പ്രസ്റ്റണ്: ഗ്രേറ്റ് ബ്രിട്ടണ് സീറോ മലബാര് രൂപതയുടെ ആദ്യ അഭിഷേകാഗ്നി ബൈബിള് കണ്വന്ഷന് ഒരുക്കമായി ഭാരവാഹികള്ക്കും വോളണ്ടിയേഴ്സിനും പ്രാര്ത്ഥനാരൂപിയില് നിറയുന്നതിനും വിശ്വാസബോധ്യങ്ങളില് ആഴപ്പെടുന്നതിനുമായി രൂപതയിലെ എട്ടു റീജിയണുകളിലായി ദൈവവചനപഠന ഒരുക്ക സെമിനാറുകള് സംഘടിപ്പിച്ചിരിക്കുന്നതായി രൂപതാധ്യക്ഷന് മാര് ജോസഫ് സ്രാന്പിക്കല് അറിയിച്ചു. ജൂലൈ 5 മുതല് 26 വരെയുള്ള തീയതികളിലായി നടത്തപ്പെടുന്ന ഈ പരിശീലന പരിപാടി പങ്കെടുക്കാന് വരുന്നവരുടെ സൗകര്യം പരിഗണിച്ച് വൈകിട്ട് 5.30 മുതല് 9.30 വരെയുള്ള സമയത്താണ് ക്രമീകരിച്ചിരിക്കുന്നത്.
മാഞ്ചസ്റ്റര് കേംബ്രിഡ്ജ, കവന്ട്രി, പ്രസ്റ്റണ്, സൗത്താംപ്റ്റണ്, ലണ്ടന്, ബ്രിസ്റ്റോള് കാര്ഡിഫ്, ഗ്ലാസ്ഗോ എന്നീ എട്ടു റീജിയണുകളിലെ കണ്വന്ഷനുകള് നയിക്കുന്നത് ദൈവശാസ്ത്ര പണ്ഡിതനായ റവ. ഫാ. അരുണ് കലമറ്റമാണ്. ഭാരവാഹികളെയും വോളണ്ടിയേഴ്സിനെയും കൂടാതെ എല്ലാ റീജിയണുകളില് നിന്നും താല്പര്യമുള്ള എല്ലാവര്ക്കും ഈ ദൈവശാസ്ത്ര പഠനക്ലാസില് പങ്കെടുക്കാവുന്നതാണെന്നും മാര് സ്രാന്പിക്കല് അറിയിച്ചുട്ടുണ്ട്.
||അഭിഷേകാഗ്നി കണ്വന്ഷനു മുന്നോടിയായി സംഘടിപ്പിച്ച ഒരുക്കധ്യാനം വിശ്വാസികള്ക്ക് ഏറെ ഗുണം ചെയ്തു എന്നു കണ്ടതിനാലാണ്, വിശ്വാസികള്ക്ക് വിശ്വാസബോധ്യങ്ങളില് ആഴപ്പെടുന്നതിനായി ദൈവശാസ്ത്ര മേഖലയില് റോമില് സ്തുത്യര്ഹസേവനം അനുഷ്ഠിക്കുന്ന റവ. ഫാ. അരുണ് കലമറ്റത്തിന്റെ നേതൃത്വത്തില് തുടര്പഠന ക്ലാസുകള് സംഘടിപ്പിക്കുന്നത്. രുപതാധ്യക്ഷന് മാര് ജോസഫ് സ്രാന്പിക്കലിനൊപ്പം ഓരോ റീജിയണിലെയും വൈദികരും ഈ ദിവസങ്ങളില് നേതൃത്വം നല്കും. ദൈവവചന പഠനത്തില് ആഴപ്പെടാന് താല്പര്യമുള്ള എല്ലാവരെയും ഈ ദിവസങ്ങളിലേക്ക് ഏറെ സ്നേഹത്തോടെ യേശു നാമത്തില് ക്ഷണിക്കുന്നു.
ഫാ. ബിജു കുന്നയ്ക്കാട്ട്