ഡോവര്‍(ന്യൂജേഴ്‌സി): സെന്റ് തോമസ് ഓര്‍ത്തഡോക്‌സ് ഇടവക  മദ്ധ്യസ്ഥനായ മാര്‍ത്തോമ്മാശ്ലീഹായുടെ പെരുന്നാള്‍ ജൂലൈ 7, 8 (വെള്ളി, ശനി) തീയതികളിലായി ആഘോഷിക്കുന്നു.
ടൊറന്റോ സെന്റ് തോമസ് ഓര്‍ത്തഡോക്‌സ് ഇടവക വികാരി റവ. ഡോ. തോമസ് ജോര്‍ജിന്റെ പ്രധാന കാര്‍മ്മികത്വത്തിലാണ് പെരുന്നാള്‍ ചടങ്ങുകള്‍ ക്രമീകരിച്ചിരിക്കുന്നത്.

7-ാം തീയതി വെള്ളിയാഴ്ച വൈകുന്നേരം 6 മണിക്ക് സന്ധ്യാനമസ്‌ക്കാരത്തിന് ശേഷം റവ.ഢോ.തോമസ് ജോര്‍ജ് ആത്മീയ പ്രഭാഷണം നടത്തും. തുടര്‍ന്ന് ഗാനശുശ്രൂഷ ഓറഞ്ച്ബര്‍ഗ് ബഥനി മാര്‍ത്തോമ്മാ ചര്‍ച്ച് വികാരി റവ.സാജു ബി. ജോണും സഹധര്‍മ്മിണി സിമി സാജ്ജുവും ഗാനശുശ്രൂഷ നയിക്കും. ആശീര്‍വാദത്തിന്‌ശേഷം ഭക്ഷണം ഉണ്ടായിരിക്കും.

8-ാം തീയതി ശനിയാഴ്ച രാവിലെ 8.30 ന് പ്രഭാത നമസ്‌കാരത്തിന് ശേഷം വി.കുര്‍ബ്ബാന. തുടര്‍ന്ന് റാസയും ആശീര്‍വാദവും.

പെരുന്നാള്‍ ശുശ്രൂഷകളില്‍ പങ്കെടുത്ത് മാര്‍ത്തോമാശ്ലീഹായുടെ മദ്ധ്യസ്ഥതയില്‍ അഭയം പ്രാപിച്ച് അനുഗ്രഹം പ്രാപിക്കുവാന്‍ ഇടവക ഭാരവാഹികള്‍ അഭ്യര്‍ത്ഥിച്ചു.

കൂടുതല്‍ വിവരങ്ങള്‍ക്ക്
വികാരി-ഫാ.ഷിബു ഡാനിയല്‍(845) 504-5178
ട്രസ്റ്റി-ഫിലിപ്പ് തങ്കച്ചന്‍((203) 804-3966
സെക്രട്ടറി- ഈപ്പന്‍ എ. മാത്തന്‍(973) 220-6498
പെരുന്നാള്‍ കണ്‍വീനര്‍- തോമസ്‌കുട്ടി ഡാനിയല്‍(973) 328-4887
വെബ്‌സൈറ്റ്-http://stthomasdover.org