എന്നാല്‍ പിന്നീട്‌ 21ലേക്ക്‌ മാറ്റി. ദിലീപിനെതിരായ ആരോപണങ്ങളല്ല ഇതിന്‌ കാരണമെന്നും സാങ്കേതികമായ ജോലികള്‍ വൈകുന്നതിനാലാണെന്നും സംവിധായകനും നിര്‍മ്മാതാവും സൗത്ത്‌ലൈവിനോട്‌ പറഞ്ഞിരുന്നു. നവാഗതനായ അരുണ്‍ ഗോപിയാണ്‌ ചിത്രത്തിന്റെ സംവിധായകന്‍. നിലവിലെ സ്ഥിതിയില്‍ ചിത്രത്തിന്റെ റിലീസ്‌ 21ല്‍ നിന്ന്‌ മാറ്റുമോ എന്ന കാര്യം അണിയറക്കാര്‍ വ്യക്തമാക്കിയിട്ടില്ല. 14 കോടിയാണ്‌ രാമലീലയുടെ മുതല്‍മുടക്ക്‌.

മുരളി ഗോപിയുടെ തിരക്കഥയില്‍ പ്രമുഖ പരസ്യചിത്ര സംവിധായകന്‍ രതീഷ്‌ അമ്പാട്ട്‌ സംവിധാനം ചെയ്യുന്ന 'കമ്മാരസംഭവം', റാഫിയുടെ തിരക്കഥയില്‍ പ്രശസ്‌ത ഛായാഗ്രാഹകന്‍ രാമചന്ദ്രബാബു സംവിധാനം ചെയ്യുന്ന പ്രൊഫ: ഡിങ്കന്‍ എന്നിവയാണ്‌ ചിത്രീകരണത്തിന്റെ വിവിധ ഘട്ടങ്ങളിലുള്ള ദിലീപ്‌ ചിത്രങ്ങള്‍.

 ആഴ്‌ചകള്‍ക്ക്‌ മുന്‍പ്‌ അന്വേഷണം ദിലീപിലേക്ക്‌ കേന്ദ്രീകരിച്ചുതുടങ്ങിയ ഘട്ടത്തില്‍ത്തന്നെ ഈ രണ്ട്‌ ചിത്രങ്ങളുടെയും ഭാവി അനിശ്ചിതത്വത്തിലായിരുന്നു. രതീഷ്‌ അമ്പാട്ടിന്റെയും രാമചന്ദ്രബാബുവിന്റെയും ആദ്യ സംവിധാന സംരംഭങ്ങളാണ്‌ ഇവ. 20 കോടിയോളം മുതല്‍മുടക്കുള്ള ബിഗ്‌ ബജറ്റ്‌ ചിത്രമാണ്‌ കമ്മാരസംഭവം. 12-15 കോടിയാണ്‌ പ്രൊഫ: ഡിങ്കന്റെ ബജറ്റ്‌.

ഈ പ്രോജക്ടുകള്‍ കൂടാതെ ആലോചനയിലുള്ള ഒരു പ്രധാന ദിലീപ്‌ ചിത്രം നാദിര്‍ഷയുടെ സംവിധാനത്തില്‍ ഒരുങ്ങേണ്ടതാണ്‌. ദിലീഷ്‌ പോത്തന്റെ ഇപ്പോള്‍ തീയേറ്ററുകളിലുള്ള 'തൊണ്ടിമുതലും ദൃക്‌സാക്ഷിയും' എന്ന ചിത്രത്തിന്റെ രചന നിര്‍വ്വഹിച്ച സജീവ്‌ പാഴൂരിന്റെ പേരാണ്‌ ദിലീപ്‌-നാദിര്‍ഷ ചിത്രത്തിന്റെ തിരക്കഥാകൃത്തായും പറഞ്ഞുകേട്ടത്‌.