ന്യൂദല്ഹി:
പ്രവാസികള്ക്കുള്ള വോട്ടവകാശം എങ്ങനെ നടപ്പാക്കുമെന്ന കാര്യത്തില്
തീരുമാനമറിയിക്കാന് സുപ്രീംകോടതി കേന്ദ്ര സര്ക്കാരിനോട് ആവശ്യപ്പെട്ടു.
ഒരാഴ്ചയ്ക്കകം തീരുമാനം അറിയിക്കാനാണ് കോടതി ആവശ്യപ്പെട്ടിരിക്കുന്നത്.
നിയമഭേദഗതിയാണോ ചട്ട ഭേദഗതിയോ വേണ്ടതെന്നാണ് അറിയിക്കേണ്ടത്.
2014
ഒക്ടോബറിലാണ് പ്രവാസികള്ക്ക് വോട്ടവകാശം നല്കുന്നത് തെരഞ്ഞെടുപ്പ് കമ്മീഷന്
തത്ത്വത്തില് അംഗീകരിച്ചത്. ഇത് ഏത് തരത്തില് നടപ്പാക്കുമെന്ന കാര്യത്തില്
തീരുമാനമറിയിക്കാനാണ് കേന്ദ്രത്തോട് കോടതി ആവശ്യപ്പെട്ടിരിക്കുന്നത്.
പ്രവാസി
വ്യവസായിയും വി.പി.എസ് ഹെല്ത്ത്കെയര് ഗ്രൂപ്പ് മാനേജിങ് ഡയറക്ടറുമായ ഡോ.
ഷംഷീര് വയലിലാണ് സുപ്രീംകോടതിയെ സമര്പ്പിക്കുകയും പ്രവാസി വോട്ട് അവകാശം
അനുവദിക്കണമെന്ന വിധി സമ്പാദിക്കുകയും ചെയ്തത്.