ചോദ്യം ചെയ്യലിന് പോലീസ് ക്ലബ്ബിലേക്ക് വരാന്‍ ബുദ്ധിമുട്ടാണെന്ന് കാവ്യ ; കാവ്യ പറയുന്നിടത്ത് വന്ന് ചോദ്യം ചെയ്‌തോളാമെന്ന് പോലീസ്

നടി ആക്രമിക്കപ്പെട്ട കേസില്‍ അറസ്റ്റിലായ നടന്‍ ദിലീപിന്റെ ഭാര്യയും നടിയുമായ കാവ്യ മാധവനെ ചോദ്യം ചെയ്യും. എന്നാല്‍ മാധ്യമങ്ങളുടെ മുന്നിലൂടെ ആലുവയിലെ പോലീസ് ക്ലബ്ബിലേക്ക് വരാന്‍ ബുദ്ധിമുട്ടാണെന്ന് കാവ്യ അറിയിച്ചെന്നാണ് വിവരം. ഇതേതുടര്‍ന്ന് കാവ്യ പറയുന്നിടത്ത് വന്ന് ചോദ്യം ചെയ്‌തോളാമെന്ന് പോലീസ് അറിയിച്ചെന്നും റിപ്പോര്‍ട്ടുകളുണ്ട്.

നടി ആക്രമിക്കപ്പെട്ട കേസില്‍ കാവ്യാ മാധവനെ അന്വേഷണ സംഘം ചോദ്യം ചെയ്‌തേക്കുമെന്ന് ഏറെക്കുറെ ഉറപ്പായി. ചോദ്യം ചെയ്യലിന് ഹാജരാകണമെന്ന് പോലീസ് നേരത്തെ നിര്‍ദേശിച്ചിരുന്നുവെങ്കിലും ശാരീരിക ബുദ്ധിമുട്ടുകളെ തുടര്‍ന്ന് ഹാജരാകാന്‍ സാധിക്കില്ലെന്ന നിലപാടിലായിരുന്നു കാവ്യ. ടെലിഫോണ്‍ വഴിയും, ആലുവയിലെ വീട്ടിലെത്തിയും ചോദ്യം ചെയ്യലിന് പോലീസ് ക്ലബില്‍ എത്തണമെന്ന് കാവ്യയോട് അന്വേഷണ സംഘം പറഞ്ഞിരുന്നു. ഏറ്റവും ഒടുവില്‍ ചോദ്യം ചെയ്യലിന് ഹാജരാകാണമെന്ന് വ്യക്തമാക്കി ക്രിമിനല്‍ ചട്ടം 160 പ്രകാരമാണ് നോട്ടീസ് നല്‍കിയിരിക്കുന്നത്.

മാധ്യമങ്ങളുടെ മുന്നിലൂടെ പോലീസ് ക്ലബിലേക്ക് എത്തി ചോദ്യം ചെയ്യലിന് വിധേയമാകാന്‍ സാധിക്കില്ലെന്നാണ് കാവ്യയുടെ നിലപാട്. ഇത് തന്നെക്കുറിച്ച് തെറ്റായ സന്ദേശം പ്രചരിക്കുന്നതിന് ഇടയാക്കും. അമ്മയുടേയും, തന്റെ അഭിഭാഷകന്റേയും സാന്നിധ്യത്തില്‍ മൊഴി എടുക്കാമെന്നുമാണ് കാവ്യയുടെ വാദം.

ഇതോടെ കാവ്യ പറയുന്നിടത്ത് എത്തി മൊഴി രേഖപ്പെടുത്താമെന്ന് അന്വേഷണ സംഘം തീരുമാനിക്കുകയായിരുന്നു. ക്രിമിനല്‍ ചട്ടപ്രകാരം മൊഴി എടുക്കുന്നതിനായി സ്ത്രീകള്‍ എവിടെയെങ്കിലും വരാന്‍ പ്രയാസം അറിയിച്ചാല്‍, അവര്‍ പറയുന്നിടത്ത് എത്തി മൊഴി എടുക്കണെന്നാണ് നിയമം. രാവിലെ ആറു മുതല്‍ വൈകീട്ട് ആറ് വരെ മാത്രമെ ഇങ്ങനെ മൊഴി എടുക്കാന്‍ സാധിക്കുകയുള്ളു. വൈകാതെ തന്നെ പോലീസ് കാവ്യ ആവശ്യപ്പെടുന്നിടത്ത് എത്തി ചോദ്യം ചെയ്യുമെന്നാണ് വിവരം.

PATHRANGAL

US WEBSITES

EMalayalee Available in MediaAppUSA