ആധാര് കാര്ഡ് ഇന്ത്യന് എംബസി, കോണ്സുലേറ്റുകളിലൂടെ ലഭ്യമാക്കുവാന്
അധികൃതര് തയ്യാറാവണമെന്നു ഓവര്സീസ് കോണ്ഗ്രസ് (കേരളം) ചെയര്മാനും ഫോമാ
പൊളിറ്റിക്കല് ഫോറം ചെയര്മാനുമായ തോമസ് റ്റി ഉമ്മന് അഭ്യര്ത്ഥിച്ചു.
പ്രവാസികളുടെഇന്ത്യയിലെ സാമ്പത്തിക ആവശ്യങ്ങള്ക്ക് ആധാര്
കാര്ഡ് വേണമെന്നുള്ള നിര്ദ്ദേശങ്ങളാണ് വന്നിരിക്കുന്നത്. പാന് കാര്ഡും
ആധാറുമായി ബന്ധപ്പെടുത്തണമെന്നുള്ള അറിയിപ്പുകളും റിസേര്വ് ബാങ്കില്
നിന്നും വന്നു കഴിഞ്ഞു. ബാങ്ക് അകൗണ്ട്, വസ്തുവകകള് തുടങ്ങി വിവിധ
കാര്യങ്ങള്ക്കു ആധാര് നിര്ബന്ധമായി വരുന്നതു കൊണ്ട് അനേകം പ്രവാസികള്
ആശങ്കയിലാണ്.
ആധാര് കാര്ഡില്ലാത്തവിദേശത്തുള്ള പ്രവാസികള് കാര്ഡിന് വേണ്ടി മാത്രം
നാട്ടിലേക്ക് യാത്ര ചെയ്യേണ്ടിവരുന്നു. ആധാര്
എടുക്കുവാനുള്ള മാനദണ്ഡങ്ങള്ക്കും അപ്പുറത്താണ് പ്രവാസികളേറെയും. ഈ
സാഹചര്യത്തില്ആധാര് കാര്ഡിന് അപേക്ഷിക്കുവാനുള്ള അര്ഹത
വ്യക്തമാക്കുകയും അതോടൊപ്പം വിദേശത്തുള്ള ഇന്ത്യന് മിഷനുകളിലൂടെ അവ
ലഭ്യമാക്കുവാനുള്ള സംവിധാനം ഏര്പ്പെടുത്തുകയും ചെയ്യണമെന്ന്
അപേക്ഷിക്കുന്നു.
ഈ ആവശ്യം ബന്ധപ്പെട്ട അധികാരികളെ ഇതിനോടകം അറിയിച്ചിട്ടുണ്ട്.