ന്യൂഡല്ഹി : ഡല്ഹിയില് മനുഷ്യശരീരം
വെട്ടിനുറുക്കി യാത്രാ ബാഗുകളിലാക്കി ഉപേക്ഷിച്ച നിലയില് കണ്ടെത്തി. ഇന്നു രാവിലെ
ശുചീകരണ തൊഴിലാളികളാണ് ഡല്ഹിയിലെ നജാഫ്ഗഢിലെ വിജനമായ പ്രദേശത്ത് ബാഗ്
ഉപേക്ഷിച്ച നിലയില് കണ്ടെത്തിയത്.
കൈകാലുകളും ശരീരത്തിന്റെ പല ഭാഗങ്ങളും
വെട്ടിനുറുക്കിയ നിലയിലാണെന്ന് പൊലീസ് പറഞ്ഞു. പ്രാഥമിക പരിശോധനയ്ക്ക് ശേഷം
കേസ് രജിസ്റ്റര് ചെയ്തു. മൃതദേഹം പോസ്റ്റ്മോര്ട്ടം നടത്താനായി
ആശുപത്രിയിലേക്ക് മാറ്റി. ഏകദേശം 35 വയസ്സിനടുത്ത പ്രായം തോന്നിക്കുന്ന ആളെ
തിരിച്ചറിഞ്ഞിട്ടില്ല.
മൃതദേഹത്തിന്റെ കയ്യില് പച്ചക്കുത്തിയ 'ഓം' ചിഹ്നം
കണ്ടെത്തിയത് അന്വേഷണം വേഗത്തിലാക്കാന് സഹായിക്കുമെന്ന് പൊലീസ് പറഞ്ഞു. ബാഗിന്
സമീപം രക്തപ്പാടുകള് ഒന്നും കണ്ടെത്തിയിട്ടില്ലെന്നും അതിനാല് മറ്റെവിടെയെങ്കിലും
വച്ച് കൊലപാതകം നടത്തി ബാഗ് ഇവിടെ ഉപേക്ഷിച്ചതാവാം എന്നാണ് പൊലീസിന്റെ പ്രാഥമിക
നിഗമനം.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല