തമിഴിലെ മഹേഷ് ഭാവനയെ കാണാന്‍ ദിലീഷ് പോത്തന്‍ എത്തി
Published on 07 August, 2017
പോത്തേട്ടന്‍ ബ്രില്ല്യന്‍സില്‍ ഒരുങ്ങിയ മഹേഷിന്റെ പ്രതികാരം തമിഴിലേക്ക് റീമേക്ക് ചെയ്യുകയാണ്. പ്രിയദര്‍ശന്‍ സംവിധാനം ചെയ്യുന്ന ചിത്രത്തില്‍ ഉദയനിധി സ്റ്റാലിനാണ് നായകന്‍. ചിത്രം നിര്‍മ്മിക്കുന്നത് ‘മഹേഷിന്റെ പ്രതികാര’ത്തിന്റെ പ്രൊഡ്യൂസര്‍മാരില്‍ ഒരാളായ സന്തോഷ് കുരുവിളയാണ്. പ്രിയന്റെ സെറ്റില്‍ കഴിഞ്ഞദിവസം ഒരു വിശിഷ്ടാതിഥിയെത്തി. മറ്റാരുമല്ല, ‘മഹേഷിന്റെ പ്രതികാര’ത്തിലൂടെ അരങ്ങേറി മലയാളി സിനിമാപ്രേമിയെ ഞെട്ടിച്ച സാക്ഷാല്‍ ദിലീഷ് പോത്തന്‍!
മലയാളം പതിപ്പില്‍ അനുശ്രീ അവതരിപ്പിച്ച സൗമ്യയെ തമിഴില്‍ എത്തിക്കുന്ന മലയാളിതാരം പാര്‍വ്വതി നായരാണ് ദിലീഷ് പോത്തന്‍ തങ്ങളുടെ സെറ്റിലെത്തിയ വിവരം പ്രേക്ഷകരുമായി പങ്കുവച്ചത്. ഒപ്പം അതിന്റെ ചിത്രവും. മലയാളത്തില്‍ നിന്ന് തമിഴിലെത്തുമ്പോള്‍ മഹേഷിന്റെ പ്രതികാരത്തിന് മാറ്റങ്ങളുണ്ടാകുമെന്ന് പ്രിയദര്‍ശന്‍ പറഞ്ഞിരുന്നു. തമിഴ് ആസ്വാദകരെ കൂടി പരിഗണിച്ചുള്ള മാറ്റങ്ങള്‍ റീമേക്ക് പതിപ്പിലുണ്ടാകും. എം എസ് ഭാസ്‌കര്‍ ആണ് ചിത്രത്തിലെ മറ്റൊരു താരം. ജിംസി എന്ന കഥാപാത്രത്തെ തമിഴില്‍ അവതരിപ്പിക്കുക നമിത പ്രമോദാണ്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala