സുരക്ഷാ പ്രശ്‌നങ്ങള്‍ ഉന്നയിച്ച്‌ ദിലീപിനെ നേരിട്ട്‌ ഹാജരാക്കുന്നതിലുളള ബുദ്ധിമുട്ട്‌ പൊലീസ്‌ നേരത്തെ തന്നെ കോടതിയെ അറിയിച്ചിരുന്നു. ജൂലൈ 25ന്‌ വീഡിയോ കോണ്‍ഫറന്‍സിലൂടെയാണ്‌ അങ്കമാലി മജിസ്‌ട്രേറ്റ്‌ കോടതി ഓഗസ്റ്റ്‌ എട്ടുവരെ ദിലീപിനെ റിമാന്‍ഡ്‌ ചെയ്‌തത്‌. അതേസമയം ജയിലില്‍ ദിലീപിന്‌ കൗണ്‍സലിങ്‌ നടത്തിയെന്ന പ്രചാരണം ശരിയല്ലെന്ന്‌ അധികൃതര്‍ പറഞ്ഞു.

ശനിയാഴ്‌ചകളിലാണ്‌ ജയിലില്‍ കൗണ്‍സലിങ്‌ നടക്കുന്നത്‌. എന്നാല്‍ കഴിഞ്ഞ ശനിയാഴ്‌ച കൗണ്‍സലിങ്‌ നടന്നില്ല. സന്നദ്ധ പ്രവര്‍ത്തകര്‍ ഞായറാഴ്‌ചകളില്‍ ജയിലില്‍ പ്രാര്‍ത്ഥന നടത്താറുണ്ട്‌. ദിലീപിനെ റിമാന്‍ഡിലായശേഷം സന്ദര്‍ശകര്‍ക്ക്‌ കര്‍ശന നിയന്ത്രണമുളളതിനാല്‍ ഇവര്‍ക്കും പ്രവേശനം അനുവദിച്ചിരുന്നില്ല.
കഴിഞ്ഞ ഞായറാഴ്‌ച മുതലാണ്‌ പ്രാര്‍ത്ഥന പുനരാരംഭിച്ചത്‌. സെല്ലുകളുടെ പ്രവേശന കവാടത്തിലാണ്‌ പ്രാര്‍ത്ഥന നടത്തുന്നതും.