Image

'മാഡത്തിന്‌ പങ്കില്ല'; 'കാവ്യ മാധവനുമായി പരിചയമുണ്ട്‌'; പലതവണ പണം തന്നിട്ടുണ്ടെന്നും പള്‍സര്‍ സുനി

Published on 22 August, 2017
'മാഡത്തിന്‌ പങ്കില്ല'; 'കാവ്യ മാധവനുമായി പരിചയമുണ്ട്‌'; പലതവണ പണം തന്നിട്ടുണ്ടെന്നും പള്‍സര്‍ സുനി
 മാഡം ആരെന്ന്‌ വെളിപ്പെടുത്താതെ മാഡത്തിന്‌ പങ്കില്ലെന്ന്‌ വ്യക്തമാക്കി പള്‍സര്‍ സുനി. നടിയെ ആക്രമിച്ച കേസില്‍ മാഡത്തിന്‌ പങ്കില്ലെന്നും നടി കാവ്യ മാധവനുമായി പരിചയമുണ്ടെന്നും സുനി പറഞ്ഞു. തന്നെ അറിയില്ലെന്ന്‌ കാവ്യ മാധവന്‍ പറയുന്നത്‌ ശരിയല്ല. കാവ്യയ്‌ക്ക്‌ താനുമായി നല്ല പരിചയമുണ്ടെന്നും പലപ്പോഴും പണം തന്നിട്ടുണ്ടെന്നും കുന്ദംകുളം മജിസ്‌ട്രേറ്റ്‌ കോടതിയില്‍ ഹാജരാക്കവെ സുനി പറഞ്ഞു.

നേരത്തെ ആഗസ്റ്റ്‌ 16ന്‌ കേസിലെ മാഡത്തെ വെളിപ്പെടുത്തുമെന്നും മാഡത്തെക്കുറിച്ച്‌ എഴുതാന്‍ തുടങ്ങിയെന്നുമെല്ലാം സുനി നിരന്തരം മാധ്യമപ്രവര്‍ത്തകരോട്‌ പറഞ്ഞിരുന്നു. നടിയെ ആക്രമിച്ച കേസിലെ ക്വട്ടേഷന്‌ പിന്നില്‍ സ്‌ത്രീയാണെന്നും വിഐപിയായ മാഡത്തെ വെളിപ്പെടുത്തുമെന്നും സിനിമാ മേഖലയില്‍ നിന്നുളള ആളാണെന്നും ഇതിനോടകം നിരവധി തവണ സുനി പറഞ്ഞിരുന്നു.

പള്‍സര്‍ സുനിയുമായി ഒരുതരത്തിലുമുളള പരിചയമില്ലെന്ന്‌ ദിലീപും കാവ്യയും നേരത്തെ മൊഴി നല്‍കിയിരുന്നു. 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക