'കേരളം നന്പര്‍ വണ്‍ ' പ്രചാരണവുമായി മലയാളി യുവാവ് യൂറോപ്പില്‍ പര്യടനം തുടങ്ങി
Published on 24 August, 2017
പാരീസ്: അടുത്തിടെയായി വാര്‍ത്താ മാധ്യമങ്ങളിലും ഫേസ്ബുക്കിലും നിറഞ്ഞു നിന്ന കേരളം നന്പര്‍ വണ്‍ എന്ന കാന്പയിന്റെ പ്രചാരണത്തിനായി ദുബായില്‍ നിന്നും മലയാളി യുവാവ് യൂറോപ്പിലെത്തി. പോളണ്ടില്‍ നിന്നാണ് പ്രചാരണം തുടങ്ങുന്നത്. യൂറോപ്പിലെ 10 രാജ്യങ്ങളിലൂടെ സഞ്ചരിച്ചാണ് പ്രചാരണം പൂര്‍ത്തിയാക്കുന്നത്.
കാസര്‍ഗോഡ് സ്വദേശിയും കഴിഞ്ഞ നാലുകൊല്ലമായി ദുബായില്‍
ജോലിക്കാരനുമായ വിപിന്‍ കുമാറാണ്. കേരളത്തെ ഉയര്‍ത്തിക്കാട്ടുന്ന ഈ വ്യത്യസ്ത പരിപാടിയുമായി മുന്നിട്ടിറങ്ങിയത്. തൊടുപുഴ സ്വദേശിയും ഡിസൈനറുമായ സജിത്ത് പ്രഭന്‍ ഫേസ്ബുക്കില്‍ തുടങ്ങി വെച്ച 'കേരളം നന്പര്‍ വണ്‍' കാന്പയിന്‍ പിന്നീട് സൈബര്‍ ലോകവും മാധ്യമങ്ങളും ഏറ്റെടുക്കുകയായിരുന്നു. ഏകദേശം നാലു ലക്ഷത്തോളം ആളുകള്‍ ഇതിനോടകം ഫേസ്ബുക്കില്‍ ഈ ഡിസൈന്‍ പ്രൊഫൈല്‍ ചിത്രമാക്കി മാറ്റിയിട്ടുണ്ട്്. തുടര്‍ന്നാണ് ഈ ആശയവുമായി യൂറോപ്പിലുടനീളം സഞ്ചരിച്ച് കേരളത്തിന്റെ മഹത്വം വിദേശികള്‍ക്ക് പരിചയപ്പെടുത്തുകയും ചെയ്യുക എന്ന ഉദ്ദേശത്തോടെ വിപിന്‍ യാത്ര തുടങ്ങിയത്. പാരീസ്, ബര്‍ലിന്‍, ആംസ്റ്റര്‍ഡാം ഉള്‍പ്പെടെ വിവിധ സ്ഥലങ്ങളില്‍ വിദേശികള്‍ക്കൊപ്പം മലയാളികളുമായും വിപിന്‍ സംവദിക്കും.
കേരളത്തിന്റെ എച്ച്ഡിഐ യൂറോപ്യന്‍ രാജ്യങ്ങളുമായി കിടപിടിക്കുന്നതാണെന്ന കണ്ടെത്തലുകളും, ഉയര്‍ന്ന ജീവിത നിലവാരം, പൂര്‍ണമായും ഡിജിറ്റലായ സംസ്ഥാനം, സാക്ഷരതയില്‍ ഒന്നാം സ്ഥാനം തുടങ്ങിയ ആശയങ്ങള്‍ വിവിധ ആളുകളുമായി പങ്കുവെയ്ക്കാനാണ് പരിപാടിയിട്ടിട്ടുള്ളത്.
ജോസ് കുന്പിളുവേലില്‍
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala