യോര്ക്ക്: മലങ്കര ഓര്ത്തഡോക്സ് സഭയിലെ യുകെ,
യൂറോപ്പ്, ആഫ്രിക്ക ഭദ്രാസന ഫാമിലി, യൂത്ത് കോണ്ഫറന്സുകള് സമാപിച്ചു.
വി. കുര്ബാനയിലും ചര്ച്ചാ ക്ലാസുകളിലും കലാപരിപാടികളിലും നിരവധിയാളുകള്
പങ്കെടുത്തു. യോര്ക്കില് നടന്ന 8-ാം കോണ്ഫറന്സ് ആളുകളുടെ എണ്ണം
കൊണ്ടും വൈവിധ്യമാര്ന്ന പരിപാടികള് കൊണ്ടും ശ്രദ്ധേയമായി. മലങ്കര
ഓര്ത്തഡോക്സ് സഭയിലെ പരമാധ്യക്ഷന് പരിശുദ്ധ കാതോലിക്ക ബാവാ
തിരുമേനിക്ക് പിന്തുണ പ്രഖ്യാപിച്ചു കൊണ്ടു നടന്ന റാലിയില് നിരവധി
വിശ്വാസികള് അണിചേര്ന്നു. തുടര്ന്ന് നടന്ന കലാപരിപാടികളില്
ഭദ്രാസനത്തിലെ വിവിധ ഇടവകയില് നിന്നുള്ളവര് പങ്കാളികളായി.
സമാപന സമ്മേളനത്തില് ഭദ്രാസനാധീപനും ചെങ്ങന്നൂര് ഭദ്രാസന സഹായ
മെത്രാപ്പോലീത്തയുമായ ഡോ. മാത്യൂസ് മാര് തീമോത്തിയോസ് അധ്യക്ഷത വഹിച്ചു.
എക്യുമെനിക്കല് പ്രസ്ഥാനത്തിന്റെ പ്രചാരകനും ഡല്ഹി ഭദ്രാസന
മെത്രാപ്പോലീത്തയുമായ ഡോ. യൂഹാനോന് മാര് ഡിമിത്രിയോസ് ഉദ്ഘാടനം ചെയ്തു.
ഫാ. സഖറിയ നൈനാന് (കോട്ടയം), ഫാ. സുജിത് തോമസ് (അമേരിക്ക), ഭദ്രാസന
സെക്രട്ടറി ഫാ. ഹാപ്പി ജേക്കബ്, ഫാ. വര്ഗീസ് ജോണ്, ഫാ. ഡോ. നൈനാന് വി.
ജോര്ജ്, ഫാ. അനൂപ് എം ഏബ്രഹാം, ഡോ. ദിലീപ് ജേക്കബ് എന്നിവര് പ്രസംഗിച്ചു.
കാതോലിക്കബാവാ തിരുമേനിക്ക് പിന്തുണ പ്രഖ്യാപിച്ചു കൊണ്ടുള്ള ഭക്തി
പ്രമേയം ഭദ്രാസന മെത്രാപ്പോലീത്തയ്ക്കു വേണ്ടി ഫാ. എബ്രഹാം ജോര്ജ് കോര്
എപ്പിസ്കോപ്പാ അവതരിപ്പിച്ചു.
ഭദ്രാസന കൗണ്സില് അംഗങ്ങളായ ഫാ. ടി. ജോര്ജ്, ഫാ. മാത്യൂസ് കുര്യാക്കോസ്,
സഭാ മാനേജിംഗ് കമ്മിറ്റിയംഗം, രാജന് ഫിലിപ്പ്, അല്മായ കൗണ്സിലംഗങ്ങളായ
ജോര്ജ് മാത്യു, സോജി ടി. മാത്യു, ജോസ് ജേക്കബ്, അലക്സ് എബ്രഹാം, ഡോ. ദീപ
സാറാ ജോസഫ്, വില്സന് ജോര്ജ്, സുനില് ജോര്ജ്, റോയിസി രാജു, മേരി
വില്സന്, റെജി തോമസ് എന്നിവര് റാലിക്കും കോണ്ഫറന്സിനും നേതൃത്വം
നല്കി.