തിരുവന്തപുരം: സോളാര്‍ അന്വേഷണ കമ്മീഷന്‍റെ റിപ്പോര്‍ട്ടിന്‍റെ അടിസ്ഥാനത്തിലുള്ള എത്‌ അന്വേഷണത്തെയും ഭയമില്ലെന്ന്‌ മുന്‍ മുഖ്യമന്ത്രി ഉമ്മന്‍ ചാണ്ടി. തെറ്റു ചെയ്‌തിട്ടുണ്ടെങ്കില്‍ ഭയപ്പെട്ടാല്‍ പോരെയെന്നും അദ്ദേഹം ചോദിച്ചു. എത്‌ അന്വേഷണത്തെയും നിയമപരമായി നേരിടുമെന്നും അദ്ദേഹം പറഞ്ഞു.

അന്വേഷണ കമ്മീഷന്‍റെ റിപ്പോര്‍ട്ട്‌ സര്‍ക്കാര്‍ പ്രസിദ്ധികരിച്ചിട്ടില്ലെന്നും ഉമ്മന്‍ ചാണ്ടി കുറ്റപ്പെടുത്തി. കമ്മീഷന്‍റെ റിപ്പോര്‍ട്ട്‌ സംബന്ധിച്ച്‌ കമ്മീഷനും പറഞ്ഞിട്ടില്ല. മുഖ്യമന്ത്രിയും ഇക്കാര്യം സംബന്ധിച്ച്‌ യാതൊന്നും പറഞ്ഞിട്ടില്ല. സോളാറുമായി ബന്ധപ്പെട്ട്‌ അന്ന്‌ പ്രതിപക്ഷമായിരുന്ന ഇടതുപക്ഷം നിയമസഭയില്‍ ഉന്നയിച്ച കാര്യങ്ങള്‍ അല്ല ഇന്ന്‌ പുറത്തുവന്നതെന്നും അദ്ദേഹം പറഞ്ഞു.