കേരളാ സര്‍ക്കാര്‍ ചീഫ്  സെക്രട്ടറി, കോഴിക്കോട് ഡിസ്ട്രിക്ട് കളക്ടര്‍, വിനോദ സഞ്ചാര വകുപ്പ് ഡയറക്ടര്‍ എന്നിങ്ങനെ  അനവധി പദവികള്‍ വഹിച്ചിട്ടുള്ള കെ ജയകുമാര്‍ IAS ഡാലസ്സ്  ശ്രീ ഗുരുവായൂരപ്പന്‍ ക്ഷേത്രത്തിലെ ദീപാരാധന ചടങ്ങുകളില്‍ സംബന്ധിച്ചു. തുഞ്ചത്തെഴുത്തച്ഛന്‍ മലയാളം യൂണിവേഴ്‌സിറ്റി വൈസ്  ചാന്‍സിലര്‍ പദവിയില്‍ നിന്നും വിരമിച്ച അദ്ദേഹം ഇപ്പോള്‍ അമേരിക്കന്‍ പര്യടനത്തിലാണ്. നൂറിലധികം മലയാള സിനിമകള്‍ക്ക്  ഗാനങ്ങള്‍ രചിച്ചിട്ടുള്ള അതുല്യ കലാ പ്രതിഭയായ കെ ജയകുമാര്‍, ഡാലസ്സ്  ശ്രീ ഗുരുവായൂരപ്പന്‍ ക്ഷേത്രത്തിലെ വാസ്തുചാതുര്യവും , കേരളത്തനിമയും, ഭക്തി സാന്ദ്രമായ അന്തരീക്ഷവും  അതീവമായി ആസ്വദിച്ചു.