Image

ഫീനിക്‌സ് ഫൗണ്ടേഷന്‍ യു.എ ബീരാന്‍ സ്മാരക പുരസ്കാരം ഇ.ടി മുഹമ്മദ് ബഷീറിനും ദീപാ നിശാന്തിനും

Published on 02 November, 2017
ഫീനിക്‌സ് ഫൗണ്ടേഷന്‍ യു.എ ബീരാന്‍ സ്മാരക പുരസ്കാരം ഇ.ടി മുഹമ്മദ് ബഷീറിനും ദീപാ നിശാന്തിനും
മലപ്പുറം: ഫിനിക്‌സ് ഫൗണ്ടേഷന്റെ രണ്ടാമത് യു.എ ബീരാന്‍ സ്മാരക ജീവകാരുണ്യ പുരസ്കാരം ഇ.ടി മുഹമ്മദ് ബഷീര്‍ എം പിക്കും, സാഹിത്യ പുരസ്കാരം ദീപാ നിശാന്തിനും. പ്രസ് ക്ലബില്‍ നടന്ന വാര്‍ത്താ സമ്മേളനത്തിലാണ് ജൂറി അംഗങ്ങള്‍ ഇക്കാര്യം അറിയിച്ചത്. ഈ മാസം 28ന് മലപ്പുറം റോസ് ലോഞ്ചില്‍ നടക്കുന്ന അവാര്‍ഡ് ദാന ചടങ്ങില്‍ എം പി അബ്ദുസമദ് സമദാനി, സി. രാധാകൃഷ്ണന്‍, പി.സുരേന്ദ്രന്‍, പി ഉബൈദുള്ള, സി.പി സെയ്തലവി എന്നിവര്‍ പങ്കെടുക്കും. അസഹിഷ്ണുതയുടെ രാഷ്ര്ടീയം പ്രഭാഷണവും ചടങ്ങിനോടനുബന്ധിച്ചുണ്ടാവും.

തിരുവനന്തപുരം സി.എച്ച് സെന്റര്‍ അടക്കമുള്ള ജീവകാരുണ്യ പ്രവര്‍ത്തനം പരിഗണിച്ചാണ് ഇ.ടി മുഹമ്മദ് ബഷീര്‍ എം.പിയെ പുരസ്കാരത്തിന് തെരഞ്ഞെടുത്തത്. സാംസ്കാരികസാഹിത്യ രംഗത്തെ ഇടപെടലുകള്‍ പരിഗണിച്ചാണ് തൃശൂര്‍ കേരളവര്‍മ്മ കോളെജ് അധ്യാപികയായ ദീപാ നിശാന്തിന് അവാര്‍ഡ്. പത്രസമ്മേളനത്തില്‍ നസീര്‍ മേലേതില്‍, എന്‍.കെ അഫ്‌സല്‍ റഹ്മാന്‍, കെ.എം ശാഫി, കുരിക്കള്‍ മുനീര്‍, ടി.പി ഹാരിസ്, സലീം വടക്കന്‍ എന്നിവര്‍ പങ്കെടുത്തു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക