മലയാള പ്രണയ ചിത്രങ്ങളില്‍ തരംഗ സൃഷ്ടിച്ച ചിത്രമാണ് നിവിന്‍ പോളിയുടെ പ്രേമം. എന്നാല്‍, 90കളുടെ അവസാനം കേരളത്തിലെ യുവാക്കളുടെ മുഴുവന്‍ ലഹരിയായി മാറിയ ഒരു സിനിമയുണ്ടായിരുന്നു – അനിയത്തിപ്രാവ്. താന്‍ ഏഴാം ക്ലാസില്‍ പഠിക്കുമ്‌ബോഴാണ് അനിയത്തിപ്രാവ് റിലീസ് ആയതെന്ന് നിവിന്‍ പോളി പറയുന്നു.

ശാലിനി – കുഞ്ചാക്കോ ബോബന്‍ ജോഡികളുടെ അനിയത്തിപ്രാവ് എക്കാലത്തേയും മികച്ച പ്രണയചിത്രം തന്നെയാണ്. അതിന് ശേഷം വീണ്ടും ചാക്കോച്ചന്റെ മറ്റൊരു ചിത്രമെത്തി നിറം. അതും വലിയ ഹിറ്റ് ആയിരുന്നുവെന്ന് നിവിന്‍ പറയുന്നു.

‘എന്റെ ആദ്യ സിനിമയ്ക്ക് ശേഷം അതില്‍ അഭിനയിച്ചവരെല്ലാം ഒരുമിച്ച് ആ സിനിമയുടെ പോസ്റ്ററിന് മുന്നില്‍ പോയി ഫോട്ടോ എടുത്തിരുന്നു. എന്നാല്‍ ഒരു സിനിമയുടെ റിലീസ് സമയത്ത് തിയറ്ററിന് മുന്നില്‍ എന്റെയൊരു വലിയ കട്ടൗട്ട് കാണുകയെന്നതായിരുന്നു അന്നത്തെ വലിയ സ്വപ്നം. നേരം സിനിമയുടെ സമയത്ത് അത് സംഭവിച്ചു.’ നിവിന്‍ പറഞ്ഞു. പുതിയ ചിത്രം റിച്ചിയുടെ പ്രചരണവുമായി ബന്ധപ്പെട്ട് സംസാരിക്കുമ്‌ബോഴായിരുന്നു നിവിന്‍ ഇക്കാര്യം വെളിപ്പെടുത്തിയത്.