അനില് കെ പെണ്ണുക്കര Published on 14 December, 2017
ശബരിമല സന്നിധാനത്തില് ഡ്രംസ് മാന്ത്രികന്
ശിവമണിയുടെ മേളം .എല്ലാ വര്ഷവും മുടങ്ങാതെ അയ്യന്റെ സന്നിധിയില്
എത്തുന്ന ശിവമണി സംഗീത വിരുന്നു നല്കിയാണ് തിരികെ പോവുക.ഇത്തവണയും
സന്നിധാനം ശ്രീശാസ്താ ഓഡിറ്റോറിയത്തില് ശിവമണി അവതരിപ്പിച്ച സംഗീത
വിരുന്ന് അയ്യപ്പന്മാരെ ഭക്തി പ്രഹര്ഷത്തില് ആറാടിച്ചു. ആയിരങ്ങള്
ഹര്ഷാരവത്തോടെ ആനന്ദ നൃത്തം ചവിട്ടി. ശംഖുവിളിയോടെയാണ് സംഗീത പരിപാടി
ആരംഭിച്ചത്. അയ്യപ്പന്മാരുടെ അഭ്യര്ഥനമാനിച്ച് കലാപരിപാടി ഏറെ നേരം
അവതരിപ്പിച്ചു.
പ്ലാസ്റ്റിക്കിനെതിരെയുള്ള സന്ദേശമാണ് തന്റെ സംഗീതത്തിലൂടെ നല്കുന്നതെന്ന്
അദ്ദേഹം പറഞ്ഞു. അയ്യപ്പന്റെ ആരൂഢമായ പുണ്യപൂങ്കാവനം പ്ലാസ്റ്റിക്കിന്റെ
പിടിയില് നിന്നും മോചിപ്പിക്കാന് തീര്ഥാടകര് പ്രത്യേകം
ശ്രദ്ധിക്കണമെന്ന് ശിവമണി ഓര്മിപ്പിച്ചു. ഗിരീഷ് മാരാരുടെ ഇടയ്ക്കയും
വിഷ്ണു കവലൂരിന്റെ ചേങ്ങിലയും പരിപാടിക്ക് കൊഴുപ്പേകി. ചെന്നൈയിലെ ഡോ.
സമ്പത്ത് ഗുരുസ്വാമിയുടെ വസതിയില് നിന്നും കെട്ടുമുറുക്കിയാണ് രണ്ട്
കുട്ടികളടങ്ങുന്ന എട്ടംഗസംഘമായി ശിവമണി സന്നിധാനത്തെത്തിയത്.
രാത്രിതന്നെ അദ്ദേഹം അയ്യപ്പ ദര്ശനം നടത്തി. ഹരിവരാസനവും
നിര്മാല്യദര്ശനവും കഴിഞ്ഞതിന് ശേഷമാണ് അദ്ദേഹം പരിപാടി അവതരിപ്പിച്ചത്.
1984 മുതല് തുടര്ച്ചയായി മണ്ഡലകാലത്ത് ശിവമണി ശബരിമല സന്ദര്ശിച്ചു
വരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല