റാഞ്ചി: കാലിത്തീറ്റ കുംഭകോണക്കേസില് ആര്ജെഡി നേതാവ് ലാലു പ്രസാദ് യാദവിന്റെ ശിക്ഷ വെള്ളിയാഴ്ച പ്രഖ്യാപിക്കും. റാഞ്ചിയിലെ പ്രത്യേക സിബിഐ കോടതിയാണ് ശിക്ഷ പ്രഖ്യാപിക്കുന്നത് വെള്ളിയാഴ്ചത്തേക്ക് മാറ്റിയത്.
നേരത്തെ സിബിഐ കോടതി മുന് ബിഹാര് മുഖ്യമന്ത്രി ജഗന്നാഥ് മിശ്രയെ കേസില് വെറുതെവിട്ടിരുന്നു. മിശ്രയടക്കം കേസിലെ അഞ്ചു പ്രതികളെയാണ് കോടതി വെറുതെവിട്ടത്. കേസില് 20 പ്രതികളാണ് ഉണ്ടായിരുന്നത്.
1991-1994 കാലയളവില് വ്യാജ ബില്ലുകള് നല്കി ഡിയോഹര് ട്രഷറിയില് നിന്നും 89 ലക്ഷം രൂപ പിന്വലിച്ച കേസിലാണ് കോടതി നടപടി. ലാലുവിനെതിരെ സിബിഐ രജിസ്റ്റര് ചെയ്ത ആറു കേസുകളില് രണ്ടാമത്തേതാണിത്.