ഇന്ത്യന്‍ പാസ്‌പോര്‍ട്ടില്‍ ഭേദഗതികള്‍ വരുത്താന്‍ വിദേശകാര്യമന്ത്രാലയം
ജോര്‍ജ് ജോണ്‍ Published on 13 January, 2018
ഫ്രാങ്ക്ഫര്‍ട്ട്-ഡല്‍ഹി: ഇന്ത്യന്‍ പാസ്‌പോര്‍ട്ടില്‍ ഭേദഗതികള്‍ വരുത്താന്‍ വിദേശകാര്യ മന്ത്രാലയം ആലോചിക്കുന്നു. അടുത്ത ശ്രേണി മുതല്‍ പാസ്‌പോര്‍ട്ട് മാറ്റങ്ങള്‍ ഉണ്ടാകുമെന്ന് അധിക|തര്‍ വ്യക്തമാക്കി. പാസ്‌പോര്‍ട്ടിന്റെ അവസാന പേജ് ശൂന്യമായി നിലനിര്‍ത്താനുള്ള ആലോചന വിവരങ്ങളുടെ സുരക്ഷ ഉറപ്പ് വരുത്താനാണെന്നും
വിദേശകാര്യമന്ത്രാലയത്തിലെ അണ്ടര്‍ സെക്രട്ടറി സുരേന്ദ്ര കുമാര്‍ വ്യക്തമാക്കി. നിലവില്‍
പാസ്‌പോര്‍ട്ടിന്റെ ആദ്യ പേജില്‍ ഉടമസ്ഥന്റെ ഫോട്ടോയും മറ്റ് വിവരങ്ങളും അവസാന
പേജില്‍ മേല്വിലാസവുമാണ് നല്‍കിയിരിക്കുന്നത്.
അവസാന പേജിലെ വിവരങ്ങള്‍ ഒഴിവാക്കുന്നത് പാസ്‌പോര്‍ട്ട് ഉടമയെ ബാധിക്കില്ല. 2012
മുതലുള്ള എല്ലാ പാസ്‌പോര്‍ട്ടിനും ബാര്‍ കോഡുകളുണ്ട്. ഈ ബാര്‍ കോഡ് സ്‌കാന്‍
ചെയ്യുന്നത് വഴി ഉടമയുടെ വിവരങ്ങള്‍ ലഭ്യമാണ്. അതേസമയം അടുത്ത ശ്രേണിയില്‍
പാസ്‌പോര്‍ട്ടുകള്‍ക്ക് മാറ്റമുണ്ടാകുമെങ്കിലും നിലവില്‍ പാസ്‌പോര്‍ട്ട് എടുത്തവര്‍ക്ക്
കാലാവധി കഴിയുന്നത് വരെ ഇതേ രീതി തുടരാം.
പാസ്‌പോര്‍ട്ടിന്റെ കളറിലും മാറ്റങ്ങള്‍ വരുത്താന്‍ വിദേശകാര്യമന്ത്രാലയം ആലോചിക്കുന്നു.
നിലവില്‍ സര്‍ക്കാര്‍ അധിക|തര്‍ക്കും സര്‍ക്കാര്‍ ആവശ്യങ്ങള്‍ക്കുമായി മറ്റ് രാജ്യങ്ങളില്‍ സന്ദര്‍ശനം
നടത്തേണ്ടവര്‍ക്കും വെള്ള നിറവും നയതന്ത്ര ഉദ്യോഗസ്ഥര്‍ക്ക് ചുവപ്പും എമിഗ്രേഷന്‍ ക്ലിയറന്‍സ്
ആവശ്യമുള്ളവര്‍ക്കും, ഇിഗ്രേഷന്‍ ക്ലിയറന്‍സ് ആവശ്യമില്ലാത്തവര്‍ക്കും നീല നിറവുമാണ്.
ഇതില്‍ ഇമിഗ്രേഷന്‍ ക്ലിയറന്‍സ് ആവശ്യമുള്ള വിഭാഗങ്ങളുടെ പാസ്‌പോര്‍ട്ട് ഓറഞ്ച്
നിറത്തിലാക്കാനാണ് തീരുമാനമെന്നും ഇത് ഇമിഗ്രേഷന്‍ പ്രൊസസ് എളുപ്പമാക്കാന്‍
സഹായിക്കുമെന്നും സുരേന്ദ്ര കുമാര്‍ പറഞ്ഞു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala