കുടുംബ പ്രേക്ഷകര്‍ക്ക്‌ ഏറെ പ്രിയപ്പെട്ട സംവിധായകനാണ്‌ ജിത്തു ജോസഫ്‌. ഒന്നിനൊന്ന്‌ വ്യത്യസ്‌തമായ സിനിമകളുമായാണ്‌ അദ്ദേഹം പ്രേക്ഷകര്‍ക്ക്‌ മുന്നിലേക്കെത്തിയത്‌. പ്രമേയത്തിലും അവതരണത്തിലും ഏറെ വ്യത്യസ്‌തത പുലര്‍ത്തുന്ന സംവിധായകന്റെ ചിത്രങ്ങള്‍ക്ക്‌ മികച്ച സ്വീകാര്യതയാണ്‌ ലഭിക്കാറുള്ളത്‌. പ്രണവ്‌ മോഹന്‍ലാലിനെ നായകനാക്കി ആദിയൊരുക്കുന്നുവെന്ന്‌ അദ്ദേഹം അറിയിച്ചപ്പോള്‍ മുതല്‍ ആരാധകരും കാത്തിരിപ്പിലായിരുന്നു. ആക്ഷന്‍ രംഗങ്ങള്‍ ഉള്‍പ്പെടുത്തിയിട്ടുള്ള ആദിയുടെ ടീസര്‍ ശനിയാഴ്‌ചയാണ്‌ പുറത്തുവിട്ടത്‌.