വാഷിംഗ്ടണ്: 2017 ജനുവരി 20ന് അധികാരമേറ്റ പ്രസിഡന്റ് ഡോണള്ഡ് ട്രമ്പ് ഒരു വര്ഷം പിന്നിട്ടിരിക്കുന്നു. കോട്ടങ്ങളാണ് പലരും ആദ്യം വിലയിരുത്തുക. ഇവയില് ഒരു വലിയ വിഭാഗം സ്വയം വരുത്തുന്ന പിഴവുകളാണ്. ആരും നിര്ബന്ധിച്ച്ിട്ട് വരുത്തുന്നതല്ല. ആരും ട്രമ്പിനെ പാളിച്ചകളിലേയ്ക്ക് നയിക്കുന്നുമില്ല. പ്രസംഗം എഴുതി തയ്യാറാക്കി നല്കുന്നവരുടെ മേല് ഷിറ്റ്ഹോള് കണ്ട്രീസ് എന്ന പ്രയോഗം കെട്ടി വയ്ക്കാനാവില്ല. (ഷിറ്റ് ഹോള് ഹൗസസ് എന്നാണ് പ്രസിഡന്റ് പറഞ്ഞതെന്ന് വൈറ്റ് ഹൗസിന്റെ തിരുത്തല് വന്നത് എതിരാളികള് മുഖവിലയ്ക്ക് എടുത്തിട്ടില്ല). ഇങ്ങനെ ഒരു പരാമര്ശം ആവശ്യമായിരുന്നില്ല എന്ന് ട്രമ്പിന്റെ കടുത്ത ആരാധകര്ക്ക് പോലും അഭിപ്രായമുണ്ട്.
ആരാധകര് കുറിച്ച് പറയുമ്പോള് അവര് മറന്നുപോകുന്ന ഒരു കാര്യം നിരീക്ഷകര് ഓര്മ്മപ്പെടുത്തുന്നു. 2016 ല് രംഗത്തുണ്ടായിരുന്ന ഒരു റിപ്പബ്ലിക്കന് സ്ഥാനാര്ത്ഥിക്കും സ്വപ്നം പോലും കാണാന് കഴിയാത്ത ചില കാര്യങ്ങള് ഈ ഒരു വര്ഷത്തിനുള്ളില് ട്രമ്പ് ചെയ്തു എന്നാണ് നിരീക്ഷകര് പറയുന്നത്. ഉദാഹരണത്തിന് സെനറ്റര് ടെഡ്ക്രൂസ് വിഭാവനം ചെയ്തത് ശസ്ത്രക്രിയയ്ക്ക് ഉപയോഗിക്കുന്ന ഒരു ചെറിയ കത്തികൊണ്ട് പ്രസിഡന്റ് ബരാക്ക് ഒബാമയുടെ അജണ്ട കീറി മുറിച്ച് നശിപ്പിക്കാമെന്നായിരുന്നു. ട്രമ്പ് ഒരു വലിയ കുടം കൊണ്ട് അത് തകര്ത്തു. നികുതി നിയമം അഴിച്ചു പണിതു, അതിരുകള് സംരക്ഷിക്കുവാന് പദ്ധതികളുമായി മുന്നോട്ടുവന്നു, സാമ്പത്തിക വളര്ച്ചയ്ക്ക് ഊന്നല് നല്കി, ഊര്ജ്ജത്തില് കൂടുതല് സ്വാതന്ത്ര്യം, ഐസിസിനെതിരെ ശക്തമായ നടപടികള്, ഇസ്രേയലിനെ പിന്തുണച്ച് ജെറുസലേം തലസ്ഥാനമായി അംഗീകരിച്ചു, സംസ്ഥാനങ്ങള്ക്ക് കൂടുതല് അധികാരം നല്കി, ഭരണഘടനയോട് കൂറുപുലര്ത്തുന്ന ജഡ്ജിമാരെ മുന്നോട്ടു കൊണ്ടുവന്നു, എന്നിങ്ങനെയാണ് ട്രമ്പിന്റെ ആദ്യവര്ഷത്തെ നേട്ടങ്ങള് നിരത്തുന്നത്.
എന്നാല് നാക്കുപിഴ പലപ്പോഴും വലിയ ചിന്താക്കുഴപ്പത്തിന് കാരണമാവുന്നു. കുറച്ചുകൂടി സംയനത്തോടെ പ്രതികരിച്ചിരുന്നെങ്കില് എന്ന് പലരും ആഗ്രഹിക്കും. പ്രസിഡന്സിയുടെയും റിപ്പബ്ലിക്കന് പാര്ട്ടിയുടെയും ഭാവിയെക്കുറിച്ച് ഇത്തരം സംഭവങ്ങള് ആശങ്ക ഉണര്ത്തുന്നു. എന്നാല് പ്രസിഡന്സിയുടെ നേട്ടങ്ങള് ആശങ്ക അകറ്റും എന്ന് വാദിക്കുന്നവരുണ്ട്.
അതിര്ത്തി മതില് നിര്മ്മാണത്തെക്കുറിച്ച് തന്റെ ചീഫ് ഓഫ് സ്റ്റാഫ് ജോണ് കെല്ലി ചില ഡെമോക്രാറ്റിക് നേതാക്കളോട് പറഞ്ഞ അഭിപ്രായം ട്രമ്പ് തിരുത്തി. താന് ആദ്യം മുതല് പറഞ്ഞിരുന്ന കാര്യങ്ങള്ക്ക് മാറ്റമില്ല. ആതിര്ത്തി മതിലിന്റെ നിര്മ്മാണ ചെലവ് പ്രത്യക്ഷമായോ പരോക്ഷമായോ ഒരു കാലയളവിനുള്ളിലോ മെക്സിക്കോ വഹിക്കും. മെക്സിക്കോ അമേരിക്കയുമായുള്ള വാണിജ്യത്തില് നിന്ന് 71 ബില്യണ് ഡോളര് മിച്ചം നേടുന്നുണ്ട്. മതിലിന് വേണ്ടി 20 ബില്യണ് ഡോളര് നല്കുക എന്നത് ഒരു ചെറിയ കാര്യമാണ്. ട്രമ്പ് പറയുന്നു.
തന്റെ യാഥാസ്ഥിതിക നിലപാട് ഉറപ്പിച്ച് ഒരു പുതിയ മെഡിക്കല് ഓഫീസ് തുറക്കുകയാണെന്ന് ട്രമ്പ് അറിയിച്ചു. ഗര്ഭഛിദ്രം, പരസഹായത്തോടെ നടത്തുന്ന ആത്മഹത്യ എന്നിവയോട് സഹകരിക്കുവാന് വിസമ്മതിക്കുന്ന ഡോക്ടര്മാരെ സംരക്ഷിക്കുകയായിരിക്കും ഈ ഓഫീസിന്റെ ലക്ഷ്യം. ലെസ്ബിയന്, ഗേ, ബൈ സെക്ഷ്യല് ട്രാന്സ്ജെന്ഡര്(എല്ജിബിടി) സംഘങ്ങള് പ്രതിഷേധവുമായി രംഗത്തെത്തിയിട്ടുണ്ട്.
Women are marching- Make your voice heard- Where are the Malayalee women writers? Are they alive?