വാര്‍ധക്യത്തിലെ കമ്മാരന്റെ ലുക്കാണ്‌ ഇപ്പോള്‍ പുറത്തുവന്നിട്ടുള്ളത്‌.  ഫേസ്‌ബുക്ക്‌ പേജിലൂടെ ദിലീപാണ്‌ പുതിയ ലുക്കും പുറത്തുവിട്ടത്‌. ഒരായിരം നുണകളില്‍ കോര്‍ത്തെടുത്ത സത്യമുള്ള ഒരു സംഭവം. കമ്മാരസംഭവം എന്ന തലക്കെട്ടിനൊപ്പമാണ്‌ പുതിയ ലുക്ക്‌ പുറത്തുവിട്ടത്‌.  നിമിഷങ്ങള്‍ക്കുള്ളില്‍ത്തന്നെ പോസ്റ്ററിനെ സോഷ്യല്‍ മീഡിയ ഏറ്റെടുത്തു. ഗ്രൂപ്പുകളിലൂടെയും മറ്റുമായി നിരവധി പേരാണ്‌ പോസ്റ്റര്‍ പങ്കുവെച്ചിട്ടുള്ളത്‌. 

അഞ്ച്‌ മണിക്കൂറെടുത്താണ്‌ ദിലീപിന്‍റെ മേക്കപ്പ്‌ പൂര്‍ത്തിയാക്കുന്നതെന്ന്‌ നേരത്തെ ഒരഭിമുഖത്തിനിടയില്‍ സംവിധായകന്‍ വ്യക്തമാക്കിയിരുന്നു. നാല്‌ വ്യത്യസ്‌ത ഗെറ്റപ്പുകളിലാണ്‌ ദിലീപ്‌ ചിത്രത്തില്‍ പ്രത്യക്ഷപ്പെടുന്നത്‌.