പ്രിയനന്ദനന്‍ സംവിധാനം ചെയ്യുന്ന പാതിരകാലം എന്ന ചിത്രത്തില്‍ കിടിലന്‍ മേക്കോവറുമായി മൈഥിലിയെത്തുന്നു. കരിയറില്‍ ഇതുവരെ അവതരിപ്പിച്ചിട്ടില്ലാത്ത വിധം ശക്തമായ കഥാപാത്രം ജനഹനാര ആയിട്ടാണ്‌ മൈഥിലി ഈ ചിത്രത്തിലെത്തുന്നത്‌.

മൈഥിലി കേന്ദ്ര കഥാപാത്രമാകുന്ന ചിത്രം ഭീകരതയ്‌ക്കും പട്ടിണിക്കും നിരാശയ്‌ക്കുമിടയിലൂടെ കടന്നു പോകുന്ന ഒരു യുവതിയുടെ അനന്തമായ യാത്രയാണ്‌. ജഹനാര കാണാതായ തന്റെ പിതാവിനെ തേടിയുള്ള അന്വേഷണത്തിലാണ്‌. അതവളെ എത്തിക്കുന്നതാകട്ടെ, കടുത്ത അനീതി നിലനില്‍ക്കുന്ന മറ്റൊരു ലോകത്തും.നിലവിലെ വ്യവസ്ഥയില്‍ നിന്നും അവള്‍ നേരിടേണ്ടി വരുന്ന അനീതികളും സമ്മര്‍ദ്ദങ്ങളും ചിത്രത്തില്‍ സ്വാഭാവികമായി ചിത്രീകരിച്ചിട്ടുണ്ട്‌.