വളരെ നല്ല കവിത. 

കവി തുടക്കക്കാരനാണെന്നു തോന്നുന്നു. ആശയം കൊള്ളാം, പക്ഷേ അക്ഷരത്തെറ്റുകളുടെ ഒരു പെരുമഴ. ഇടയകലം കുത്തു കോമ എല്ലാം തോന്നിയപോലെ. 

വിദ്യാധരൻ ശരിക്കൊന്നു മേടില്ലോ, ചില ആധുനിക കവികളെ.

അലങ്കാരത്തിന്റെയും ,പ്രാസത്തിന്റെയും .സൗന്ദര്യത്തിന്റെയും ബാഹ്യമോടിയിൽ കവിതകൾക്ക്  ഇന്ന് നഷ്ടപ്പെടുന്നത് കവിത മാത്രം!കവിതകൾ ഇന്ന് പരിസംഖ്യയെന്ന അലങ്കാരത്തിന്റെ (എന്താണോ അവിടെയുണ്ടാകേണ്ടത് ,അത് അവിടെയില്ല മറ്റൊരു സ്ഥലത്താണ്) നീരാളിപ്പിടുത്തത്തിൽ അമർന്നു അമർന്നു ഇല്ലാതാകുന്നു! കവിതകളിൽ എന്താണ് ഉണ്ടാകേണ്ടത്‌  ,കവിത ,അത് മാത്രം അവിടെയില്ല , അത് മറ്റേതോ ലോകത്താണ് .ബാഹ്യങ്ങളായ അലങ്കാരങ്ങളുടെ പുറകെപോയി കവിതകൾക്ക് അതിന്റെ അന്തർഭാവങ്ങളായ, സംസ്കാരതലം ,അർത്ഥതലം ,ഭാവതലം തുടങ്ങി ആന്തരികമായ  സാഹിത്യ രസസൗന്ദര്യമെല്ലാം നഷ്ടപെട്ടുപോയിരിക്കുന്നു. പി എച് ഡി യും കവിതയും തമ്മിൽ യാതൊരു ബന്ധമില്ലെകിലും ,അമേരിക്കയിലെ പി എച് ഡി കവികൾ  കാല ദേശങ്ങൾക്കനുസരിച്ചുള്ള  നല്ല വിചാര വിവേകത്തോടുകൂടിയ  ആന്തരിക സൗന്ദര്യമുള്ള കവിതകൾ തന്നെയാണ് രചിക്കുന്നത്.

ഡോ.ശശിധരൻ

ഞാന്‍ സിജു. 'മൂവന്തി' വായിച്ചവര്‍ക്കും അഭിപ്രായം പങ്കു വെച്ചവര്‍ക്കും അതിയായ നന്ദി. സംശയം പ്രകടിപ്പിച്ചതു പോലെ ഞാന്‍ ഒരു തുടക്കക്കാരന്‍ ആണെന്നത് ശരിയാണ്. അലസമായ ചില ചിന്തകള്‍ എവിടെയെങ്കിലും തളച്ചിടുവാന്‍ വേണ്ടി എഴുതിത്തുടങ്ങിയിട്ട് അധിക കാലമായിട്ടില്ല. അക്ഷരതെറ്റുകള്‍ fontന്‍റെ ചെറിയൊരു പൊരുത്തക്കേട് കാരണമായിരുന്നു. അതു തിരുത്തിയിട്ടുണ്ട്. കുത്തുകോമകള്‍ മന:പൂര്‍വ്വം ഒഴിവാക്കുന്നതാണ്. അര്‍ത്ഥവ്യതിയാനം ഒഴിവാക്കാന്‍ വളരെ അത്യാവശ്യം ഉള്ളിടത്ത് മാത്രം ഉപയോഗിക്കുന്ന ഒരു ശൈലി അവലംബിക്കുവാന്‍ ആണ് താല്പര്യം. തെറ്റുകള്‍ ഉള്ളത് ചൂണ്ടിക്കാണിക്കുവാനും തിരുത്തലുകള്‍ നിര്‍ദേശിക്കുവാനും അപേക്ഷിക്കുന്നു. പ്രോത്സാഹനങ്ങള്‍ക്കും അഭിപ്രായങ്ങള്‍ക്കും ഒരിക്കല്‍ കൂടെ നന്ദി അറിയിക്കുന്നു.