രാജ്യത്തെ മുഖ്യമന്ത്രിമാരുടെ സ്വത്തു വിവരകണക്കുകള്‍ പുറത്തു വന്നു. 177 കോടി രൂപ ആസ്‌തിയുള്ള ആന്ധ്രാപ്രദേശ്‌ മുഖ്യമന്ത്രി ചന്ദ്രബാബു നായിഡുവാണ്‌ മുഖ്യമന്ത്രിമാരിലെ കുബേരന്‍. നൂറു കോടിക്കു മുകളില്‍ ആസ്‌തിയുള്ള രണ്ട്‌ മുഖ്യമന്ത്രിമാരാണ്‌ ഇന്ത്യയില്‍ ഉള്ളത്‌. ചന്ദ്രബാബു നായിഡുവിന്‌ പിന്നില്‍ രണ്ടാമന്‍ അരുണാചല്‍പ്രദേശ്‌ മുഖ്യമന്ത്രി പേമാ ഖണ്ഡുവാണ്‌. 129 കോടി രൂപയാണ്‌ ഇദ്ദേഹത്തിന്റെ ആസ്‌തി


ആകെയുള്ള 31 മുഖ്യമന്ത്രിമാരില്‍ കേരള മുഖ്യന്‍ പിണറായി വിജയന്‍ 25 ാം സ്ഥാനത്താണ്‌. ആസ്‌തി 1.07 കോടി രൂപ. 48 കോടി രൂപയുടെ സ്വത്തുമായി പഞ്ചാബ്‌ മുഖ്യമന്ത്രി ക്യാപ്‌റ്റന്‍ അമരീന്ദര്‍ സിങ്‌ മൂന്നാം സ്ഥാനത്താണ്‌. പത്തു കോടിക്കും 50 കോടിക്കും ഇടയില്‍ ആസ്‌തിയുള്ള ആറു മുഖ്യമന്ത്രിമാരും, ഒരു കോടിക്കും പത്തു കോടിക്കും ഇടയില്‍ ആസ്‌തിയുള്ള 17 മുഖ്യമന്ത്രിമാരും രാജ്യത്തുണ്ട്‌. ഒരു കോടിയില്‍ താഴെ സ്വത്തുള്ള ആറു മുഖ്യമന്ത്രിമാര്‍ മാത്രമാണുള്ളത്‌.