മധുവിന് വയറ് നിറച്ച് ഭക്ഷണം വാങ്ങി കൊടുക്കുന്നതിന് പകരം തല്ലിക്കൊന്നു നടി ശിവാനി.
'മധു എന്ന ചെറുപ്പക്കാരനെ മോഷണത്തിന്റെ പേരില് കൈ രണ്ടും കെട്ടിയിട്ട്
തല്ലുന്ന ഫോട്ടോ കണ്ടു. ഇന്ന് അവന് മരിച്ചു. മധു മരിച്ചതായി
തോന്നുന്നില്ല. അവന്റെ ഫോട്ടോ കണ്ട ശേഷം ഉറക്കം വന്നിട്ടില്ല. അക്രമണത്തിന്
കൂട്ടുനിന്ന പാര്ട്ടി അനുഭാവിയായ ഒരാള്ക്കെതിരെയാണ് ഇപ്പോള് തെളിവ്
കിട്ടിയിരിക്കുന്നത്. അയാളുടെ ഫോട്ടോ ഞാന് ഫെയ്സ്ബുക്കില് പോസ്റ്റ്
ചെയ്തിരുന്നു. അതിനെതിരെ എനിക്ക് പേഴ്സണലായും മറ്റും മെസേജുകളും കോളുകളും
വന്നു. എന്നെ പേഴ്സണലായി അറിയുന്നവര്ക്ക് അറിയാം ഞാന് ഒരു പാര്ട്ടി
അനുഭാവിയായിരുന്നു. ഇപ്പോള് അല്ല. കഴിഞ്ഞ 5 വര്ഷത്തിനിടയില് പലരുടെയും
രാഷ്ട്രീയ കാഴ്ചപ്പാട് മാറിയിട്ടുണ്ട്. എന്റെയും മാറി. പൊലീസിന് അവരുടെ
ഡ്യൂട്ടി നോക്കാന് അറിയാം. അതിന് പകരം ആളുകള് പൊലീസിന്റെ പണി ഏറ്റെടുത്ത്
കുറ്റക്കാരെ ശിക്ഷിക്കാന് ഇറങ്ങുന്നത് ശരിയല്ല. മധു
കുറ്റക്കാരനായിരുന്നെങ്കില് അവനെ ശിക്ഷിക്കാന് കോടതിയും
നിയമവുമൊക്കെയുണ്ട്. കുറ്റം തെളിയുന്നത് വരെ ഒരാളും കുറ്റക്കാരന് അല്ല.
കുറ്റാരോപിതന് മാത്രമാണ്.
ഒരു സഹജീവിയെ ഉപദ്രവിക്കാന് മനസുള്ളവനാണ് ശരിക്കുമൊരു ക്രിമിനല്. അല്ലാതെ
ഒരു നേരത്തെ ഭക്ഷണത്തിന് വേണ്ടി അവന് മോഷ്ടിക്കുന്നുണ്ടെങ്കില് അവനെത്ര
ഗതിയില്ലാത്തവനായിരിക്കും... അവന്റെ സഞ്ചിയില് നിന്ന് കിട്ടിയത് എന്താണ്?
നമ്മുടെ നാട്ടില് മനുഷ്യന്മാരുടെയൊക്കെ മനസ് കല്ലായിട്ട് പോയോ? അതിന്റെ
മുന്നില് നിന്ന് സെല്ഫിയെടുക്കുക. ആദ്യം നീ നിന്റെ വീട്ടില് പോയി
നോക്കുക. ചിലപ്പോള് കാണും, മരുന്നിന് വകയില്ലാത്ത, ഒരു നേരത്തെ പോലും
ഭക്ഷണത്തിന് വകയില്ലാത്ത, നിന്റെയൊക്കെ അമ്മയോ അച്ഛനോ പെങ്ങള്മാരോയൊക്കെ
വീട്ടിലുണ്ടാകും. ആദ്യം അവരെയൊക്കെ പോയി നോക്കുക. സെല്ഫിയെടുക്കാനും,
വിഡിയോ ചാറ്റും വാട്സ്ആപ്പുമൊക്കെ ഉപയോഗിക്കാനും ഒരു ഫോണ് വാങ്ങി
ഇതുപോലുള്ള പാവങ്ങളെ തല്ലിക്കൊല്ലുക, ഫെയ്സ്ബുക്കിലിടുക, ഫെയ്മസാകുക.
അനാവശ്യമായി രാഷ്ട്രീയത്തെ ഇതില് ഉള്പ്പെടുത്താതിരിക്കുക. കുറച്ച്
മനുഷ്യത്വമില്ലാത്ത പട്ടികള് ചേര്ന്ന് ചെയ്തിരിക്കുന്നതാണ് ഇത്.
ഇതിനകത്ത് രാഷ്ട്രീയമില്ല.
രാത്രി ഉറങ്ങിയിട്ടില്ല. ആ മനുഷ്യന്റെ മുഖമൊന്ന് നോക്ക്. അയാള്
മരിച്ചുവെന്നത് ഈ സെക്കന്റ് വരെയും എനിക്ക് വിശ്വസിക്കാന് പറ്റുന്നില്ല.
കൈ കെട്ടിവെച്ചിരിക്കുന്നു. കൈ കെട്ടിയാല് തിരിച്ചടിക്കില്ലെന്ന്
ഉറപ്പുള്ളതുകൊണ്ട് തന്നെയല്ലേ ഇവര് അയാളെ തല്ലിച്ചതച്ചത്...
കൂടെയുള്ളവരെ നമുക്കെങ്ങനെ ഉപദ്രവിക്കാന് പറ്റുന്നേ? ഒരു കള്ളനെ
പിടിച്ചാല് തന്നെ അയാളെ വഴക്കുപറ.. അത്ര സഹികെട്ടാല് ഒരു തല്ല്
കൊടുക്കാം. പക്ഷെ ഇങ്ങനെ മരിക്കും വരെ തല്ലരുത്. ഒരു മനുഷ്യന് ജീവിതം
കുറച്ചേയുള്ളൂ. ഈ കുറച്ച് വര്ഷം നല്ല രീതിയില് നമുക്ക് ജീവിക്കാന്
കഴിയില്ലേ? പണവും സൗന്ദര്യമൊക്കെ ഇല്ലാതാകാന് ഒരു അസുഖം വന്നാല് മതി.
പ്ലസ്ടുവിന് പഠിക്കുന്ന സമയത്ത് ഞാന് ഒരു സീരിയല് അഭിനയിക്കാന് പോയി.
അന്ന് നിറക്കുറവുണ്ടായിരുന്നു. നിറക്കുറവിന്റെ പേരില് എന്നെ
കളിയാക്കിയിട്ടുണ്ട്. മൂന്ന് ആര്ട്ടിസ്റ്റുകള് നില്ക്കുമ്പോഴായിരുന്നു
അത്. എങ്ങനെയാണ് ഈ കുട്ടി ഞങ്ങളുടെ മോളായി അഭിനയിക്കുന്നത് എന്ന്
ചോദിച്ചിട്ടുണ്ട്. ഇതൊക്കെയാണ് ഓരോരുത്തരുടെ മെന്റാലിറ്റി. നിറം, പണം,
ജാതി. സിനിമ നടിയാവണമെങ്കില് നല്ല നിറം വേണമായിരുന്നു. നല്ല തൂവെള്ള നിറം.
നിറത്തിന്റെയും ജാതിയുടെയും പേരില് എന്നെ ഒരുപാട് സ്ഥലത്ത്
മാറ്റിനിര്ത്തിയിട്ടുണ്ട്. നിറം വെക്കാന് വേണ്ടി ഒരുപാട് കാര്യങ്ങള്
ചെയ്തിട്ടുണ്ട്. ഇന്ന് പക്ഷെ നടിയാവാന് നിറം വേണമെന്നില്ല.
മനസ്സും മനസ്സാക്ഷിയും മരവിച്ചിട്ടില്ലാത്ത ഒരാള്ക്കും അയാളുടെ മുഖം
മറന്നു ഉറങ്ങാന് കഴിയില്ല... ഇനി ഇത് പോലെ ഒരവസ്ഥ ആര്ക്കും ഉണ്ടാകരുത്..
സഹോദരങ്ങളെ നമ്മള് ഒരുമിച്ച് വിചാരിച്ചാല് അത് നടക്കില്ലേ ?.. ആരെയാ
നമ്മള് പേടിക്കുന്നത്.. തെറ്റ് കണ്ടാല് കണ്ടില്ലെന്ന് നടിച്ചു
പോകരുത്..അതിനെതിരെ ഉച്ചത്തില് ശബ്ദിക്കണം.. ഒരാള് ഉറക്കെ ശബ്ദിച്ചാല്
അത് ഏറ്റു പിടിക്കാന് ആയിരങ്ങള് നിങ്ങള്ക്കൊപ്പം ഉണ്ടാകും..കറുത്തവനും
വെളുത്തവനും സവര്ണ്ണനും അവര്ണ്ണനും ഒരുപോലെ ജീവിക്കാന് അവകാശം ഉള്ള
നാടാണ്..
സദാചാരക്കാരെ നമുക്ക് ആവശ്യമില്ല.. നിയമം കൈയിലെടുക്കാന് നമുക്ക്
അവകാശമില്ല.. അതിന് ശ്രമിക്കുന്നവരെ അതിന് അനുവദിക്കരുത് .. തെറ്റ്
ചെയ്യുന്നവരെ ഈ സമൂഹത്തില് ഒറ്റപ്പെടുത്തുക..
ക്രമേണ നികൃഷ്ട ജീവികളുടെ വളര്ച്ച ഇല്ലാതായി കൊള്ളും...രാഷ്ട്രീയ മുതല്
എടുപ്പിന് ഈ സംഭവം നമ്മള് വിട്ടു കൊടുക്കരുത്...ഇതില് രാഷ്ട്രീയം
ഇല്ല..'-ശിവാനി പറഞ്ഞു.