ലണ്ടന്: വിവിധ കുടിയേറ്റ നിയമങ്ങളില് നിരവധി മാറ്റങ്ങള് നിര്ദേശിക്കുന്ന
പ്രഖ്യാപനങ്ങള് ബ്രിട്ടീഷ് പാര്ലമെന്റില് അവതരിപ്പിച്ചു. മാറ്റങ്ങളില് ഏറെയും
ഏപ്രില് ആറിനു നടപ്പാകും.
ഇതനുസരിച്ച്, ടയര് 1 (പോസ്റ്റ്-സ്റ്റഡി
വര്ക്ക്) റൂട്ട് അവസാനിക്കും. പുതിയ ടയര് 1 (ഗ്രാജ്വേറ്റ് ഓണ്ടര്പ്രണര്)
റൂട്ട് നിലവില്വരും. പഴയ ടയര് 1ല്നിന്ന് പുതിയതിലേക്കു മാറാന്
സൗകര്യങ്ങളുണ്ടാകും. അടുത്ത രണ്ടു വര്ഷത്തേക്ക് ഓരോ വര്ഷവും ആയിരം പേര്ക്കു
വീതമായിരിക്കും ടയര് 1 പ്രകാരം രാജ്യത്തേക്കു പ്രവേശനം ലഭിക്കുക.
ടയര് 2
കുടിയേറ്റക്കാര്ക്ക് രാജ്യത്ത് തങ്ങാവുന്ന കാലാവധി ആറു വര്ഷമായി
നിജപ്പെടുത്തും. ഇവര്ക്ക് കുറഞ്ഞത് പ്രതിവര്ഷം 35,000 പൗണ്ട്
ശമ്പളമുണ്ടായിരിക്കണം. പഴയ വീസ കാലാവധി അവസാനിച്ച് 12 മാസത്തിനു ശേഷമേ പുതിയ
ടയര് 2 ലഭിക്കൂ. ടയര് 2വിലേക്കു മാറുന്ന ബിരുദധാരികള്ക്ക് പുതിയ പോസ്റ്റ്
സ്റ്റഡി സംവിധാനം ലഭിക്കും.
കാര്യങ്ങള് കുറെക്കൂടി വിശമാക്കിയാല്
ഇപ്രകാരമായിരിക്കും. ടിയര് 2 വിസാപ്രകാരം ചില മാറ്റങ്ങള് മുന്കാല
പ്രാബല്യത്തോടെയാണ് നടപ്പിലാക്കുന്നത്. ടിയര് 1 (പോസ്റ്റ് സ്റ്റഡി വര്ക്ക്)
റൂട്ട് നിര്ത്തലാക്കി പുതിയ ടിയര് 1 (ഗ്രാജുവേറ്റ് എന്റര്പ്രനുവര്) റൂട്ടാണ്
പ്രാബല്യത്തിലാവുന്നത്. അടുത്ത രണ്ടുവര്ഷത്തേക്ക് ടിയര് വണ് വീസ നല്കുന്നത്
1000 ആക്കി ചുരുക്കും. ടിയര് 1 പോസ്റ്റ് സ്റ്റഡി വീസയുള്ളര്ക്കും ടിയര്
എന്റര്പ്രനുവര് വീസയുള്ളവര്ക്കും ടിയര് 1 ഒഴിച്ച് ടാലന്റ് സ്കീമിലേക്ക്
മാറാന് സൗകര്യം നല്കുമെന്നതും പ്രത്യേകതയാണ്.
എന്നാല് വിദഗ്ധ
തൊഴിലാളികള്ക്കുള്ള ടയര് 2 വീസയിലുള്ള മാറ്റങ്ങള് ഇങ്ങനെയാണ്. ഇതനുസരിച്ച്
2011 ഏപ്രില് ആറിനുശേഷം എത്തിയവര്ക്ക് പരമാവധി ആറു വര്ഷം മാത്രമാണ് താത്കാലിക
വീസ അനുവദിക്കുന്നത്.
ഈ കാലയളവിനുള്ളില് ഇവര്ക്ക് പെര്മനന്റ്
റസിഡന്സി നേടാന് കഴിയാതെ വന്നാല് ഇവര് നിര്ബന്ധമായും രാജ്യം വിടേണ്ടി വരും.
പിഎച്ച്ഡി തലത്തിലും ഷോര്ട്ടേജ് ഒക്കുപ്പേഷന് കാറ്റഗറിയിലും ലിസ്റ്റ്
ചെയ്തവര് ഇതില് നിന്ന് ഒഴിവാകും.
നിലവില് ടയര് 2 വീസാക്കാരുടെ കാലാവധി
നീട്ടിക്കിട്ടാന്(പുതുക്കാന്) 12 മാസത്തെ കാലയളവ് വേണ്ടിവരും. ഇതിനായി കൂളിംഗ്
ഓഫ് പീരിയഡ് എന്നപേരിലുള്ള പ്രോസസിംഗില് ഇത്തരക്കാരെ ഉള്പ്പെടുത്തു.ടിയര് 4
സ്റ്റുഡന്റ്സ് വീസായില് 2011 മാര്ച്ചിനു ശേഷം വന്നവരുടെ സ്റ്റാറ്റസിലും
മാറ്റമുണ്ടാകും. ഇതനുസരിച്ച് ഡിഗ്രി തലത്തില് പഠിക്കുന്നവരുടെ പഠന കാലാവധിയില്
പരിധി ഏര്പ്പെടുത്തു.
ഇത്തരക്കാരുടെ പഠനത്തോടൊപ്പമുള്ള വര്ക്ക്
പ്ലേസ്മെന്റിലും കര്ശന നിയന്ത്രണം ഏര്പ്പെടുത്തും എന്നാണ് നിയമംപറയുന്നത്.
അതുപോലെ ടിയര് 5 വീസയിലുള്ള താത്കാലിക തൊഴിലാളികളുടെ മൊത്തം കാലപരിധി 12
മാസമാക്കി നിജപ്പെടുത്തും. ടയര് 5 ക്രിയേറ്റീവ് ആന്ഡ് സ്പോര്ട്ടിംഗ് സബ്
കാറ്റഗറിയില് ലിസ്റ്റ് ചെയ്തിരിയ്ക്കുന്ന സ്പോര്ട്സ് താരങ്ങളുടെ വീസാ
സമ്പ്രദായത്തിലും വ്യതിയാനം വരുത്തിയിട്ടുണ്ട്.
പോയിന്റ് ബേസ്ഡ്
സിസ്റ്റത്തിലും(ടിയര്-2,4,5 വീസ) മാറ്റങ്ങള് വരുത്തും. ഇതനുസരിച്ച് സ്പോണ്സര്
ചെയ്തുള്ള പഠനം, ജോലി എന്നിവയ്ക്ക് ആറുമാസമെന്നുള്ള കാലയളവ് അറുപതു ദിവസമാക്കി
ചുരുക്കി. ഇതിനുള്ളില് പഠനത്തിനും ജോലിക്കും സ്ഥാപനങ്ങള്
കണ്ടെത്തിയിരിയ്ക്കണം.
യൂത്ത് മൊബിലിറ്റി സ്കീമിലെ ടിയര്4, 5
അപേക്ഷകരുടെ ഫണ്ട് പരിധിയും ഉയര്ത്തിയിട്ടുണ്ട്. ഈ നിയമം 2012 ഏപ്രില്
ആറുമുതല് നടപ്പാവും. എന്നാല് ടിയര്1,2,5 വീസയില് എത്തുന്ന താല്ക്കാലിക
ജോലിക്കാരുടെ പ്രൊബേഷണറി ഫണ്ട് വര്ധന ഈ വര്ഷം ജൂണ് 14 മുതലാണ്
നടപ്പിലാവുന്നത്.
പിആര് നേടാന് കുറഞ്ഞപക്ഷം മിനിമം ശമ്പളം 35,000
പൗണ്ടാക്കി നിജപ്പെടുത്തുകയാണ് ചെയ്യുന്നത്. അതായത് 35,000 പൗണ്ട് എങ്കിലും
വരുമാനം ഉള്ളവര്ക്ക് മാത്രം പിആര് ലഭിക്കുന്ന നിയമം 2016 ഏപ്രില് ആറുമുതലാവും
പ്രാബല്യത്തിലാവുന്നത്.