പ്രിയപ്പെട്ട ജിലു, 

മലയാളക്കരയിലെ മങ്കമാർക്ക് നിങ്ങൾ അഭിമാനവും, അന്തസ്സും, ധൈര്യവും പകർന്നു നൽകിയിരിക്കുന്നു. പണമുണ്ടാക്കാൻവേണ്ടി പരസ്യങ്ങളിൽ പെണ്ണുടൽ പ്രദർശിപ്പിക്കാൻ പ്രേരിപ്പിക്കുന്ന പുരുഷന്മാർക്കും സ്ര്തീകൾക്കുമുള്ള മഹത്തായ മറുപടിയാണ് ജിലുവിന്റെ മുലയൂട്ടൽ. കന്യകാമറിയത്തിന്റെ മുലപ്പാൽ എന്ന വ്യാജേന വന്യമൃഗങ്ങളുടെ പാൽ തിരുശേഷിപ്പാക്കി വിറ്റു കാശ് തട്ടിയിരുന്നു ഒരുകാലത്തു കത്തോലിക്ക സഭ എന്നോർമ്മിക്കുക. പുരാതന ക്ഷേത്രങ്ങളിലും വത്തിക്കാനിലെ പള്ളികളിലുമുള്ള മുലകളുടെ അതിപ്രസരം മുല വിരോധികൾ അറിഞ്ഞാലും! കുഞ്ഞിനെ ഊട്ടാനുള്ളതല്ല പുരുഷൻറ്റെ വിനോദത്തിനുള്ളതാണ് മുലയെന്നു വിചാരിച്ചു നടക്കുന്ന മാത്യുമാരും, ഔസേപ്പുമാരും, കുഞ്ഞാലിമാരും വഴിയിലെ മൂലകളിലും മതിലുകളിലും മൂത്രിക്കുന്നതു  കേരളത്തിലുടനീളം നിത്യേന കാണുന്ന മനോഹര ദൃശ്യമല്ലേ?. പ്രൊഫസ്സർ ഉലഹന്നാൻ മാപ്പിള പറഞ്ഞത്: "മലയാളിയുടെ ചില ശരീരാവയവങ്ങളുടെ പേര് പച്ച മലയാളത്തിൽ പറഞ്ഞാൽ പെട്ടെന്നുവരാം; ഇംഗ്ലീഷിലാണെങ്കിൽ ബെലെ ബേഷ്".