Image

ശോഭനാ ജോര്‍ജ്ജ്‌ ഇടതു പക്ഷത്തേക്ക്‌

Published on 20 March, 2018
 ശോഭനാ ജോര്‍ജ്ജ്‌ ഇടതു പക്ഷത്തേക്ക്‌
ചെങ്ങന്നൂര്‍ മുന്‍ എംഎല്‍എ ശോഭനാ ജോര്‍ജ്‌ ഇടതു പക്ഷത്തേക്ക്‌. ഉപതിരഞ്ഞെടുപ്പിനു മുന്നോടിയായി ഇന്നു നടക്കുന്ന എല്‍ഡിഎഫ്‌ കണ്‍വെഷനില്‍ ശോഭനാ ജോര്‍ജ്‌ പങ്കെടുക്കും. എല്‍ഡിഎഫ്‌ സ്ഥാനാര്‍ത്ഥി സജി ചെറിയാനു വേണ്ടി ശോഭനാ ജോര്‍ജ്‌ പ്രചാരണത്തിനിറങ്ങും.

കോണ്‍ഗ്രസിന്‌ സ്ഥാനാര്‍ത്ഥിയായി 1991 ല്‍ ചെങ്ങന്നൂരില്‍ നിന്നാണ്‌ ശോഭന ജോര്‍ജ്‌ നിയമസഭയിലേക്ക്‌ ആദ്യമായി ജയിച്ചത്‌. 1996 ലും 2001ലും ശോഭന ജോര്‍ജ്‌ യുഡിഎഫ്‌ ടിക്കറ്റില്‍ മത്സരിച്ചു ജയിച്ചിരുന്നു. 2006 ലും, 2011 ലും നടന്ന തിരഞ്ഞെടുപ്പുകളില്‍ നിന്നു ശോഭന ജോര്‍ജ്‌ വിട്ടു നിന്നു. പിന്നീട്‌ 2016 ല്‍ കോണ്‍ഗ്രസിന്‌ വിമത സ്ഥാനാര്‍ത്ഥിയായി തലവേദന സൃഷ്ടിച്ചിരുന്നു.

സിപിഐഎം സംസ്ഥാന സെക്രട്ടറി കോടിയേരി ബാലകൃഷ്‌ണന്‍, സ്ഥാനാര്‍ത്ഥി സജി ചെറിയാന്‍ എന്നിവരുമായി കഴിഞ്ഞയാഴ്‌ച്ച നടത്തിയ ചര്‍ച്ചയിലാണ്‌ ഇടതു പക്ഷത്തേക്ക്‌ പോകുന്ന കാര്യത്തില്‍ ധാരണയായത്‌.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക