കൊച്ചി: കരുണ, കണ്ണൂര്‍ മെഡിക്കല്‍ പ്രവേശ ബില്ല്‌ പാസാക്കിയതിന്‌ പിന്നില്‍ കോടികളുടെ അഴിമതിയെന്ന്‌ കോണ്‍ഗ്രസ്‌ നേതാവ്‌ ബെന്നി ബെഹനാന്‍. ഇടതു സര്‍ക്കാരിലെ ഉന്നതരുടെയെല്ലാം അറിവോടെയാണ്‌ അഴിമതി നടന്നിരിക്കുന്നത്‌. അതിനാല്‍ ഇക്കാര്യത്തില്‍ വിശദമായ അന്വേഷണം വേണമെന്നും അദ്ദേഹം ആവശ്യപ്പെട്ടു.

നിരവധി ആക്ഷേപങ്ങള്‍ക്കിടയിലും കൂടാതെ സുപ്രിം കോടതി വിമര്‍ശനം അവഗണിച്ച്‌ അവതരിപ്പിച്ച ബില്ല്‌ ഭരണപക്ഷവും പ്രതപക്ഷവും ഐകകണ്‌ഠ്യേനയാണ്‌ നിയമസഭയില്‍ പാസാക്കിയത്‌. എന്നാല്‍, ബില്ലില്‍ ഗവര്‍ണര്‍ ഒപ്പുവച്ചില്ല. ബില്ല്‌ നിലനില്‍ക്കില്ലെന്ന നിയമോപദേശം ലഭിച്ചതിനെ തുടര്‍ന്നാണ്‌ ഗവര്‍ണറുടെ നടപടി. സുപ്രിം കോടതി വിധിയുടെ പശ്ചാത്തലത്തില്‍ ബില്ല്‌ നിലനില്‍ക്കില്ലെന്ന്‌ ഗവര്‍ണര്‍ക്ക്‌ നിര്‍ദേശം ലഭിച്ചിരുന്നു. തുടര്‍ന്നാണ്‌ ഗവര്‍ണര്‍ സദാശിവം ബില്ല്‌ തള്ളിയത്‌.