ന്യൂഡല്‍ഹി: രാജ്യത്ത്‌ പീഡനത്തിന്‌ ഇരയാകുന്ന സ്‌ത്രീകള്‍ക്ക്‌ കേന്ദ്രസര്‍ക്കാര്‍ 2 ലക്ഷം രൂപ ധനസഹായം നല്‍കും. കേന്ദ്ര വനിതാ ശിശുക്ഷേമ മന്ത്രാലയമാണ്‌ ഈ തീരുമാനമെടുത്തത്‌. ബലാത്സംഗ സംഭവങ്ങളില്‍ കേസ്‌ രജിസ്റ്റര്‍ ചെയ്‌താലുടന്‍ ഇരകള്‍ക്ക്‌ 20,000 രൂപ സഹായധനം നല്‍കാനും സര്‍ക്കാര്‍ തീരുമാനിച്ചു. ഓഗസ്റ്റ്‌ ഒന്ന്‌ മുതല്‍ ധനസഹായം നല്‍കി തുടങ്ങുമെന്ന്‌ സര്‍ക്കാര്‍ അറിയിച്ചു. പ്രായപൂര്‍ത്തിയാകാത്തവര്‍ക്ക്‌ മൂന്ന്‌ ലക്ഷം വരെ സഹായധനം നല്‍കാന്‍ തീരുമാനമായി.