ശ്രീജിത്തിന്റെ കാലിലെ പേശികള്‍ക്കേറ്റ ക്ഷതം ഉരുട്ടിയത്‌ മൂലമാണെന്ന്‌ സംശയം ഉയര്‍ന്നിരുന്നു. ദേഹത്തും ആന്തരികാവയവങ്ങളിലും കണ്ടെത്തിയ ക്ഷതങ്ങളും പരുക്കുകളും ഇവര്‍ പരിശോധിക്കും.

ശ്രീജിത്തിന്റെ അടിവയറ്റില്‍ കനത്ത ക്ഷതമേറ്റുവെന്നും ജനനേന്ദ്രിയത്തില്‍ രക്തം കട്ടപിടിക്കുന്ന രീതിയിലുള്ള പരുക്കേറ്റുവെന്നും ചെറുകുടല്‍ മുറിഞ്ഞെന്നും പോസ്റ്റ്‌മോര്‍ട്ടം റിപ്പോര്‍ട്ടിലുണ്ട്‌. ഇവയിലേതാണ്‌ മരണകാരണമായതെന്നാണ്‌ ആദ്യം അറിയേണ്ടത്‌. പരുക്ക്‌ സംഭവിച്ച സമയം സംബന്ധിച്ചും വ്യക്തത ആവശ്യമുണ്ട്‌.