സിപിഎം ജനറല്‍ സെക്രട്ടറിയായി സീതാറാം യെച്ചൂരി തുടരും
Published on 22 April, 2018
ഹൈദരബാദ്‌: സിപിഎം ജനറല്‍
സെക്രട്ടറിയായി സീതാറാം യെച്ചൂരി തുടരും. കാരാട്ട്‌ പക്ഷവുമായി കടുത്ത ഭിന്നത
നിലനിന്നിരുന്നെങ്കിലും വോട്ടെടുപ്പില്ലാതെ തന്നെ യെച്ചൂരിയെ തുടരാന്‍
അനുവദിക്കുകയായിരുന്നു. തുടര്‍ച്ചയായി രണ്ടാം തവണയാണ്‌ യച്ചൂരി ജനറല്‍
സെക്രട്ടറിയാകുന്നത്‌. കേന്ദ്ര കമ്മറ്റിയില്‍ പത്ത്‌ പുതുമുഖങ്ങളെ
ഉള്‍പ്പെടുത്താനും ധാരണയായി.
സിസിയില്‍ ഒരു സീറ്റ്‌ സ്‌ത്രീകള്‍ക്കായി ഒഴിച്ചിട്ടിരിക്കുകയാണ്‌.
മലയാളിയും അഖിലേന്ത്യ കിസാന്‍ സഭാ നേതാവ്‌ വിജൂ കൃഷ്‌ണനും മുരളീധരനും കമ്മിറ്റിയിലുണ്ട്‌. തപന്‍സെന്നും നിലോത്‌പല്‍ ബസുവുമാണ്‌ തെരഞ്ഞെടുക്കപ്പെട്ട പുതുമുഖങ്ങള്‍.
എസ്‌ രാമചന്ദ്രന്‍ പിള്ള പോളിറ്റ്‌ബ്യൂറോയില്‍ തുടരും. 80 വയസു കഴിഞ്ഞ എസ്‌ആര്‍പിയ്‌ക്ക്‌ ഇളവ്‌ നല്‍കണമെന്ന്‌ കാരാട്ട്‌ പക്ഷം നേരത്തെ ആവശ്യപ്പെട്ടിരുന്നു. അതേസമയം, ബുദ്ധദേവ്‌ ഭട്ടാചാര്യ ക്ഷണിതാക്കളുടെ പട്ടികയില്‍ നിന്നും ഒഴിവായി.
വിഎസ്‌ അച്യുതാനന്ദന്‍ കേന്ദ്ര കമ്മിറ്റിയിലെ ക്ഷണിതാവായി തുടരും. മുന്‍ മന്ത്രി പാലൊളി മുഹമ്മദ്‌ കുട്ടിയും സിസിയിലെ ക്ഷണിതാക്കളുടെ പട്ടികയിലുണ്ട്‌. അഞ്ച്‌ സ്ഥിരം ക്ഷണിതാക്കള്‍ ഉണ്ട്‌. ബസുദേവ്‌ ആചാര്യയാണ്‌ കണ്‍ട്രോള്‍ കമ്മീഷന്‍ ചെയര്‍മാന്‍.
പോളിറ്റ്‌ ബ്യൂറോ അംഗങ്ങള്‍
1. സീതാറാം യെച്ചൂരി, 2. പ്രകാശ്‌ കാരാട്ട്‌, 3. എസ്‌ രാമചന്ദ്രന്‍പിള്ള, 4. ബിമന്‍ ബോസ്‌, 5. മണിക്‌ സര്‍ക്കാര്‍, 6. പിണറായി വിജയന്‍, 7. ബൃന്ദ കാരാട്ട്‌, 8. സൂര്യകാന്ത്‌ മിശ്ര, 9. കോടിയേരി ബാലകൃഷ്‌ണന്‍, 10. എംഎ ബേബി, 11. സുഭാഷിണി അലി, 12. ബിവി രാഘവേലു , 13. ഹന്നന്‍ മുള്ള , 14. ജി രാമകൃഷ്‌ണന്‍, 15. മുഹമ്മദ്‌ സലീം, 16. തപന്‍ സെന്‍, 17. നീലോല്‍പല്‍ ബസു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala