നീരാളിയും ഒടിയനും. മോഹന്‍ലാലിന്റേതായി പുറത്തിറങ്ങാനിരിക്കുന്ന രണ്ട്‌ ചിത്രങ്ങള്‍. നവാഗത സംവിധായകനായ അജോയ്‌ വര്‍മയുടേതാണ്‌ നീരാളി. ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രമാണ്‌ ഒടിയന്‍. ചിത്രീകരണം പൂര്‍ത്തിയായ നീരാളി ജൂലൈയില്‍ റിലീസ്‌ ചെയ്യാനുള്ള ശ്രമത്തിലാണ്‌ ഇതിന്റെ അണിയറ പ്രവര്‍ത്തകര്‍. ഒടിയന്‍ ഓണം രിലീസായിട്ടാണ്‌ തിയേറ്ററുകളിലെത്തുക.

പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ഈ രണ്ടു ചിത്രങ്ങളിലും അണിയറ പ്രവര്‍ത്തകര്‍ക്കും ഏറെ പ്രതീക്ഷകളാണുള്ളത്‌. രഞ്‌ജിത്‌ സംവിധാനം ചെയ്യുന്ന ബിലാത്തിക്കഥയിലാണ്‌ ലാല്‍ അടുത്തതായി അഭിനയിക്കുക. ഇതിന്റെ ചിത്രീകരണത്തിനായി ലാല്‍ മെയ്‌ രണ്ടാം വാരം ഇംഗ്ലണ്ടിലേക്ക്‌ പോകും.
45 ദിവസത്തെ ഡേറ്റാണ്‌ മോഹന്‍ലാല്‍ ബിലാത്തിക്കഥയ്‌ക്ക്‌ നല്‍കിയിരിക്കുന്നത്‌. ഏപ്രില്‍ 25ന്‌ ഒടിയന്റെഷൂട്ടിങ്ങ്‌ പൂര്‍ത്തിയാകുമ്പോള്‍ `അമ്മ'യുടെ സ്റ്റേജ്‌ ഷോയുമായി ബന്ധപ്പെട്ട റിഹേഴ്‌സലിനായി മോഹന്‍ലാല്‍ ചേരും. പിന്നീട്‌ ബിലാത്തിക്കഥയുടെ ഷൂട്ടിങ്ങിനിടയ്‌ക്കും ലാല്‍ അഞ്ചു ദിവസത്തെ അവധിയെടുക്കുന്നുണ്ട്‌. അമ്മയുടെ സ്റ്റേജ്‌ ഷോ ആസ്‌ട്രേലിയയിലും നടക്കുന്നുണ്ട്‌. അതില്‍ പങ്കെടുക്കാനായിട്ടാണിത്‌.