ചെങ്ങന്നൂര് ഉപതെരഞ്ഞെടുപ്പിന് ശേഷം കൂടുതല് എംഎല്എമാര് വരുമെന്ന് തോമസ് ചാണ്ടി
Published on 28 April, 2018
എന്സിപിയിലേക്ക് ചെങ്ങന്നൂര് ഉപതെരഞ്ഞെടുപ്പിന് ശേഷം കൂടുതല് എംഎല്എമാര് വരുമെന്ന് തോമസ് ചാണ്ടി. പീതാംബരന് മാസ്റ്റര് ഇത് സംബന്ധിച്ച് ചര്ച്ച നടത്തിയിട്ടുണ്ട്. ഏകകണ്ഠമായാണ് താന് പ്രസിഡന്റായി തെരഞ്ഞെടുക്കപ്പെട്ടതെന്നും തോമസ് ചാണ്ടി പറഞ്ഞു. എന്സിപിയുടെ പുതിയ സംസ്ഥാന പ്രസിഡന്റായി തോമസ് ചാണ്ടിയെ തെരഞ്ഞെടുത്തിരുന്നു. നെടുമ്പാശേരിയില് ചേര്ന്ന എന്സിപി സംസ്ഥാന കൗണ്സില് യോഗത്തിലാണ് തീരുമാനം എടുത്തത്. ശശീന്ദ്രന് പക്ഷക്കാരനായ പി.കെ രാജന് മാസ്റ്റര് വൈസ് പ്രസിഡന്റായും ബാബു കാര്ത്തികേയന് ട്രഷററായും തെരഞ്ഞെടുക്കപ്പെട്ടു. പ്രസിഡന്റ് സ്ഥാനം സംബന്ധിച്ച് മന്ത്രി എ.കെ. ശശീന്ദ്രന് വിഭാഗവും തോമസ് ചാണ്ടി വിഭാഗവും തമ്മില് തര്ക്കം രൂക്ഷമായിരുന്നു.മന്ത്രി സ്ഥാനം എ.കെ. ശശീന്ദ്രന്തിരികെ ലഭിച്ചതോടെ പ്രസിഡന്റ് സ്ഥാനം തങ്ങള്ക്ക് വേണമെന്ന നിലപാടായിരുന്നു തോമസ് ചാണ്ടി വിഭാഗത്തിന്റേത്. ഫോണ്കെണി വിവാദത്തെ തുടര്ന്ന് എ കെ ശശീന്ദ്രന് രാജിവച്ചതിനെ തുടര്ന്നാണ് തോമസ് ചാണ്ടി മന്ത്രിസ്ഥാനത്തെത്തിയത്. തുടര്ന്ന് കായല് കയ്യേറ്റ വിവാദത്തെ തുടര്ന്ന് മന്ത്രി സ്ഥാനം രാജിവയ്ക്കുകയായിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല