Image

125-ാം സാഹിത്യ സല്ലാപം 'ജൂബിലി സല്ലാപ'മായി നടത്തുന്നു

ജയിന്‍ മുണ്ടയ്ക്കല്‍ Published on 04 May, 2018
125-ാം സാഹിത്യ സല്ലാപം 'ജൂബിലി സല്ലാപ'മായി നടത്തുന്നു
ഡാലസ്: മേയ് 5 ശനിയാഴ്ച സംഘടിപ്പിക്കുന്ന 125-ാം അമേരിക്കന്‍ മലയാളി സാഹിത്യ സല്ലാപം 'ജൂബിലി സല്ലാപ'മായാണ് നടത്തുന്നത്. കഴിഞ്ഞ സല്ലാപങ്ങളെക്കുറിച്ച് ആത്മാര്‍ത്ഥമായി വിലയിരുത്താനും വീണ്ടും കൂടുതല്‍ കാര്യക്ഷമമായി അമേരിക്കന്‍ മലയാളി സാഹിത്യസല്ലപം നടത്തുന്നതിനെക്കുറിച്ചു കൂട്ടായി ആലോചിക്കാനുമാണ് ഈ അവസരം വിനിയോഗിക്കുക. ഈ സാഹിത്യ സല്ലാപത്തില്‍ പങ്കെടുക്കുവാനും, അമേരിക്കയില്‍ താമസിക്കുന്ന മലയാളികളുടെ വികാരവിചാരങ്ങള്‍ പങ്കു വയ്ക്കാനുമുള്ള ഈ അവസരം വേണ്ടവിധം വിനിയോഗിക്കണമെന്ന് അഭ്യര്‍ത്ഥിക്കുന്നു. ജൂബിലി ആഘോഷങ്ങളുടെ ഭാഗമായി പങ്കെടുക്കുന്നവര്‍ക്ക് തങ്ങളുടെ കവിതകള്‍ ആലപിക്കുവാനും പാട്ടുകള്‍ പാടുവാനും കഥകള്‍ പറയുവാനും അവസരം ഉണ്ടായിരിക്കുന്നതാണ്. അമേരിക്കന്‍ മലയാളികളുമായി ബന്ധപ്പെട്ട സാമൂഹിക സാഹിത്യ സാംസ്‌കാരിക ഭാഷാ വിഷയങ്ങള്‍ വിശദമായി ചര്‍ച്ച ചെയ്യുവാന്‍ താല്‍പര്യമുള്ള എല്ലാ നല്ല ആളുകളെയും അമേരിക്കന്‍ മലയാളി സാഹിത്യ സല്ലാപത്തിലേയ്ക്കു സ്വാഗതം ചെയ്യുന്നതായി ഭാരവാഹികള്‍ അറിയിച്ചു.

2018 ഏപ്രില്‍ 7 ശനിയാഴ്ച സംഘടിപ്പിച്ച 124-ാം അമേരിക്കന്‍ മലയാളി സാഹിത്യ സല്ലാപം 'പ്രൊഫ. ജിമ്മിനൊപ്പം' എന്ന പേരിലാണ് നടന്നത്. അമേരിക്കന്‍ മലയാളികള്‍ക്കിടയില്‍ അറിയപ്പെടുന്ന ഒരു ജീവശാസ്ത്രജ്ഞനും മത്സ്യ ഗവേഷകനും സാഹിത്യകാരനുമാണ് പ്രഫ. ജിം. ഫ്‌ലോറിഡയിലെ വെനീസില്‍ വിശ്രമ ജീവിതം നയിക്കുന്ന അദ്ദേഹം ധാരാളം ശാസ്ത്ര കൃതികളുടെ രചയിതാവും വൈക്കം മുഹമ്മദ് ബഷീര്‍, ഉറൂബ്, എന്‍. വി. കൃഷ്ണവാര്യര്‍, എം. ടി., തിക്കോടിയന്‍, കക്കാട്, യു. എ. ഖാദര്‍, ചെറിയാന്‍ കെ. ചെറിയാന്‍ അടക്കം മലയാള സാഹിത്യത്തില്‍ അറിയപ്പെടുന്ന ധാരാളം എഴുത്തുകാരുടെ അടുത്ത സുഹൃത്തുമാണ്. പ്രൊഫ. ജിമ്മിന്റെ അടുത്ത സുഹൃത്തുക്കളും ശിഷ്യന്മാരും ഈ സല്ലാപത്തില്‍ പങ്കെടുത്തു. പ്രഫ. ജിമ്മിനെ അടുത്തറിയുവാനും അദ്ദേഹത്തോട് നേരിട്ട് സംസാരിക്കുവാനുമായി ലഭിച്ച ഈ അവസരം വളരെ പ്രയോജനകരമായിരുന്നു.

മനോഹര്‍ തോമസ്, ഡോ. രാജന്‍ മര്‍ക്കോസ്, രാജു തോമസ്, ജോണ്‍ ആറ്റുമാലില്‍, ജോസഫ് പൊന്നോലി, ഡോ. കുര്യാക്കോസ് റിച്ച്മണ്ട്, ഡോ. എന്‍. പി. ഷീല, ഡോ. മേനോന്‍, വര്‍ഗീസ് എബ്രഹാം ഡെന്‍വര്‍, സജി കരിമ്പന്നൂര്‍, തോമസ് ഫിലിപ്പ്, ചാക്കോ ജോസഫ്, അലക്‌സാണ്ടര്‍, ജേക്കബ് കോര, എന്‍. എം. മാത്യുസ്, സി. ആന്‍ഡ്‌റൂസ്, ജയിന്‍ മുണ്ടയ്ക്കല്‍ എന്നിവര്‍ ചര്‍ച്ചയില്‍ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളില്‍ നിന്നായി ധാരാളം ശ്രോതാക്കളും ഉണ്ടായിരുന്നു.

എല്ലാ മാസത്തിലെയും ആദ്യ ശനിയാഴ്ചയിലായിരിക്കും അമേരിക്കന്‍ മലയാളി സാഹിത്യ സല്ലാപം നടത്തുന്നത്. സല്ലാപത്തില്‍ പങ്കെടുക്കുവാന്‍ എല്ലാ ആദ്യശനിയാഴ്ചയും രാവിലെ പത്തു മുതല്‍ പന്ത്രണ്ട് വരെ (ഈസ്റ്റേണ്‍ സമയം) നിങ്ങളുടെ ടെലിഫോണില്‍ നിന്നും താഴെ കൊടുത്തിരിക്കുന്ന ടെലിഫോണ്‍ നമ്പരിലേയ്ക്ക് വിളിക്കാവുന്നതാണ്.

1-857-232-0476 കോഡ് 365923

ടെലിഫോണ്‍ ചര്‍ച്ചയില്‍ പങ്കെടുക്കുന്ന എല്ലാവര്‍ക്കും ചോദ്യങ്ങള്‍ ചോദിക്കാന്‍ അവസരം ഉണ്ടായിരിക്കും. jain@mundackal.com , internationalmalayalam@gmail.com എന്ന ഇ-മെയില്‍ വിലാസങ്ങളില്‍ ചര്‍ച്ചയില്‍ അവതരിപ്പിക്കാന്‍ താല്‍പര്യമുള്ള വിഷയങ്ങളും ചോദ്യങ്ങളും മുന്‍കൂറായി അയച്ചു കൊടുക്കാവുന്നതാണ്. കൂടുതല്‍ വിവരങ്ങള്‍ക്ക് ബന്ധപ്പെടുക: 813-389-3395 / 469-620-3269

Join us on Facebook https://www.facebook.com/groups/142270399269590/
125-ാം സാഹിത്യ സല്ലാപം 'ജൂബിലി സല്ലാപ'മായി നടത്തുന്നു
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക