മൊബൈല്‍ ഫോണില്‍ സംസാരിച്ച്‌ വാഹനം ഓടിച്ചാല്‍ കേസെടുക്കാനാകില്ലെന്ന്‌ ഹൈക്കോടതി
Published on 16 May, 2018
കൊച്ചി : ഇനി മുതല്‍ െ്രെഡവിംഗിനിടെ മൊബൈല്‍ ഫോണില്‍ മതിവരുവോളം സംസാരിച്ചോളൂ, ആരും ചോദിക്കില്ല. മൊബൈല്‍ ഫോണില്‍ സംസാരിച്ച്‌ വാഹനം ഓടിച്ചാല്‍ കേസെടുക്കാനാകില്ലെന്ന്‌ ഹൈക്കോടതിയുടെ ഉത്തരവ്‌. െ്രെഡവിംഗിനിടെ മൊബൈല്‍ ഫോണില്‍ സംസാരിക്കുന്നത്‌ നിരോധിച്ചുകൊണ്ടുള്ള വ്യവസ്ഥ നിയമത്തില്‍ നിലവില്‍ ഇല്ലാത്തതിനാല്‍ പോലീസിന്‌ കേസെടുക്കാന്‍ കഴിയില്ലെന്നാണ്‌ ഹൈക്കോടതി ഡിവിഷന്‍ ബഞ്ച്‌ നിര്‍ദേശിച്ചത്‌.
നിലവില്‍ മൊബൈല്‍ ഫോണില്‍ സംസാരിച്ച്‌ വാഹനം ഓടിച്ചാല്‍ പോലീസ്‌ ആക്ടിലെ 118 (ഇ) വകുപ്പ്‌ അനുസരിച്ച്‌ ഒരാള്‍ അറിഞ്ഞുകൊണ്ട്‌ പൊതുജനങ്ങളെയും പൊതു സുരക്ഷയെയും അപകടപ്പെടുത്തുന്ന നടപടിയായി കണക്കാക്കിയാണ്‌ പോലീസ്‌ കേസ്‌ എടുത്തിരുന്നത്‌. ഇത്‌ ചോദ്യം ചെയ്‌തുകൊണ്ട്‌ കാക്കനാട്‌ സ്വദേശി എം.ജെ സന്തോഷ്‌ എന്നയാള്‍ നല്‍കിയ ഹര്‍ജിയിലാണ്‌ ഡിവിഷന്‍ ബഞ്ചിന്റെ വിധി.
ഫോണില്‍ സംസാരിക്കുന്നത്‌ പൊതു ജനങ്ങളെ അപകടപ്പെടുത്തുന്ന ഒന്നാണെങ്കില്‍ മാത്രമേ പോലീസ്‌ നടപടി സാധ്യമാകൂ. മാത്രമല്ല, പോലീസ്‌ ആക്ടില്‍ മൊബൈല്‍ സംസാരം നിരോധിച്ചുകൊണ്ടുള്ള വ്യവസ്ഥയും ഇപ്പോഴില്ല. അതിനാല്‍, അങ്ങനെ വാഹനം ഓടിക്കുന്ന ആള്‍ പൊതു ജനങ്ങളെ അപകടപ്പെടുത്തുന്ന ഒരാളായി അനുമാനിക്കാന്‍ കഴിയില്ലെന്നും ഡിവിഷന്‍ ബഞ്ച്‌ ചൂണ്ടിക്കാട്ടി.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala