ദക്ഷിണേന്ത്യ പിടിച്ചെടുക്കാനുള്ള ബിജെപിയുടെ നീക്കങ്ങള്‍ക്കുള്ള ശക്തമായ താക്കീത്‌ കുടിയാണ്‌ പ്രതിപക്ഷ പാര്‍ട്ടികള്‍ ഒരുമിച്ച്‌ ഒരേ വേദിയില്‍ അണിനിരന്നത്‌.


ഉത്തര്‍പ്രദേശ്‌ ഉപതിരഞ്ഞെടുപ്പിന്‌ പിന്നാലെ കോണ്‍ഗ്രസിനും ബിജെപിക്കും ബദലായി മൂന്നാം മുന്നണിയ്‌ക്ക്‌ രൂപം നല്‍കുന്നത്‌ സംബന്ധിച്ച്‌ തെലങ്കാന മുഖ്യമന്ത്രി ചന്ദ്രശേഖര്‍ റാവു സൂചനകള്‍ നല്‍കിയിരുന്നു. ഇതിനായി പശ്ചിമബംഗാള്‍ മുഖ്യമന്ത്രി മമതാ ബാനര്‍ജി, ബിഎസ്‌പി നേതാവ്‌ മായാവതി എന്നിവരുമായി ചര്‍ച്ചകളും നടത്തിയിരുന്നു.

ബിജെപിക്ക്‌ വ്യക്തമായ ഭൂരിപക്ഷം തെളിയിക്കാന്‍ കഴിയാതിരുന്നതാണ്‌ കോണ്‍ഗ്രസ്‌- ജെഡിഎസ്‌ സഖ്യത്തെ കര്‍ണാടകത്തില്‍ അധികാരത്തിലെത്താന്‍ സഹായിച്ചത്‌. എന്നാല്‍ സത്യപ്രതിജ്ഞ ചെയ്‌ത്‌ മുഖ്യമന്ത്രിയും ഉപമുഖ്യമന്ത്രിയും അധികാരമേറ്റെങ്കിലും വിശ്വാസ വോട്ടെടുപ്പ്‌ വ്യാഴാഴ്‌ചയാണ്‌ നടക്കുക. വിശ്വാസ വോട്ടെടുപ്പ്‌ നടന്നതിന്‌ ശേഷം മാത്രമായിരിക്കും മന്ത്രിമാരെ നിര്‍ണയിക്കുന്നത്‌ സംബന്ധിച്ച്‌ സഖ്യത്തിനുള്ളില്‍ ധാരണയുണ്ടാകുക.