Image

ബ്രഹ്മാണ്ഡചിത്രം മാമാങ്കത്തില്‍ മമ്മൂക്കയ്‌ക്കൊപ്പം പടപൊരുതാന്‍ മണികണ്ഠന്‍ ആചാരിയും

Published on 26 May, 2018
ബ്രഹ്മാണ്ഡചിത്രം മാമാങ്കത്തില്‍ മമ്മൂക്കയ്‌ക്കൊപ്പം പടപൊരുതാന്‍ മണികണ്ഠന്‍ ആചാരിയും
മമ്മൂട്ടി നായകനാകുന്ന ബ്രഹ്മാണ്ഡചിത്രമായ മാമാങ്കം അണിയറയില്‍ ഒരുങ്ങുകയാണ്. ഓരോ നിമിഷവും ചിത്രത്തെക്കുറിച്ചുള്ള വ്യത്യസ്തമായ വാര്‍ത്തകളാണ് വന്നു കൊണ്ടിരിക്കുന്നത്. എന്നാല്‍ മലയാളികളുടെ പ്രിയ താരം മണികണ്ഠന്‍ ആചാരിയും ചിത്രത്തില്‍ പ്രധാനവേഷത്തിലെത്തുന്നുണ്ടെന്നാണ് പുതിയ വാര്‍ത്ത. മാമാങ്കത്തില്‍ ജോയില്‍ ചെയ്ത കാര്യം മണികണ്ഠന്‍ തന്നെയാണ് ഫേസ്ബുക്കിലൂടെ ആരാധകരുമായി പങ്കിട്ടത്.

തെന്നിന്ത്യന്‍ സിനിമാലോകത്തിന്റെ അഭിമാനചിത്രങ്ങളായ ബഹുബലി 2, മഗധീര, ഈച്ച തുടങ്ങിയ സിനിമകളുടെ വിഎഫ്എക്‌സ് ജോലികള്‍ നിര്‍വഹിച്ച ആര്‍ സി കമലാകണ്ണനാണ് മാമാങ്കത്തിന്റെയും വിഎഫ്എക്‌സ് ചെയ്യുന്നത്.
സജീവ് പിള്ളയുടെ ആദ്യ സംവിധാന സംരംഭമാണ് മാമാങ്കം. വിഖ്യാത ചലച്ചിത്രകാരന്‍ അടൂര്‍ ഗോപാലകൃഷ്ണന്റെ ശിഷ്യനാണ് സജീവ്. വിധേയനും മതിലുകളും പോലെ മാമാങ്കവും മമ്മൂട്ടിയുടെ കരിയറിലെ തിളക്കമാര്‍ന്ന ഏടായിരിക്കും. 12 വര്‍ഷത്തെ ഗവേഷണത്തിനും എഴുത്തിനും ശേഷമാണ് സജീവ് പിള്ള മാമാങ്കത്തിന്റെ തിരക്കഥ തയ്യാറാക്കിയത്. എട്ടാം നൂറ്റാണ്ടിനും പതിനേഴാം നൂറ്റാണ്ടിനുമിടയില്‍ തിരുനാവായ മണപ്പുറത്തുനടന്ന പോരാട്ടത്തിന്റെ വീരകഥയാണ് മാമാങ്കം പറയുന്നത്.

മമ്മൂട്ടി ചേകവരായെത്തുന്ന ചിത്രത്തില്‍ അദ്ദേഹം ഉള്‍പ്പെടുന്ന നിരവധി പോരാട്ട രംഗങ്ങള്‍ ചിത്രീകരിക്കുന്നുണ്ട്. വടക്കന്‍ വീരഗാഥ, പഴശ്ശിരാജ എന്നീ സൂപ്പര്‍ഹിറ്റുകള്‍ക്ക് ശേഷം വാള്‍പ്പയറ്റ് നിറഞ്ഞ ഒരു സിനിമയുമായി മമ്മൂട്ടി വീണ്ടും പ്രേക്ഷകരിലേക്ക് എത്തുകയാണ്. മംഗലാപുരവും കാസര്‍കോടുമായിരിക്കും പ്രധാന ലൊക്കേഷനുകള്‍!
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക