തിരുവനന്തപുരം: കേരള സര്വകലാശാലയ്ക്കു
കീഴിലുള്ള സ്വാശ്രയ സ്ഥാപനങ്ങളുടെ ഡയറക്ടറായി മന്ത്രി പത്നി എത്തിയതില്
വിവാദം. പൊതുമരാമത്ത് മന്ത്രി ജി.സുധാകരന്റെ ഭാര്യ ഡോ.ജൂബിലി നവ പ്രഭയെയാണ്
ഡയറക്ടറേറ്റ് ഓഫ് മാനേജ്മെന്റ് ടെക്നോളജി ആന്ഡ് എഡ്യൂക്കേഷന്
ഡയറക്ടറായി നിയമിച്ചത്. ഇവര്ക്കു വേണ്ടി യോഗ്യതയില് ഭേദഗതി
വരുത്തിയെന്നാണ് ആക്ഷേപം.
പത്തു ബിഎഡ് സെന്ററുകള്, 29 യുഐടികള്, ഏഴ് മാനേജ്മെന്റ് ട്രെയിനിങ്
സെന്ററുകള് എന്നിവയാണ് കേരള സര്വകലാശാല നേരിട്ടു നടത്തുന്ന സ്വാശ്രയ
സ്ഥാപനങ്ങള്. ഡയറക്ടറേറ്റ് ഓഫ് മാനേജ്മെന്റ് ടെക്നോളജി ആന്ഡ്
എഡ്യൂക്കേഷനു കീഴിലാണിവയുടെ പ്രവര്ത്തനം. ഇതിന്റെ ഡയറക്ടറായാണു മന്ത്രി
ജി.സുധാകരന്റെ ഭാര്യ ഡോ.ജൂബിലി നവപ്രഭയെ നിയമിച്ചത്. പ്രതിമാസം 35,000 രൂപ
ശമ്പളത്തില് ഒരു വര്ഷത്തേക്കു കരാര് അടിസ്ഥാനത്തിലാണു നിയമനം.
ഈ മാസം നാലിനു നടത്തിയ ഇന്റര്വ്യൂവിന്റെ അടിസ്ഥാനത്തിലാണ് റാങ്ക് ലിസ്റ്റ്
പ്രസിദ്ധീകരിച്ചതെന്നും നിയമന ഉത്തരവില് പറയുന്നു. നേരത്തേ
യൂണിവേഴ്സിറ്റി പ്രൊഫസര്മാരെയാണ് ഡയറക്ടര് തസ്തികയില്
നിയമിച്ചിരുന്നത്.