Image

കെവിനെ കൊന്നുകളയാന്‍ നിര്‍ദേശിച്ചത് നീനുവിന്റെ അമ്മയാണെന്ന് അനീഷ്, ഒന്നര ലക്ഷം രൂപയുടെ ക്വട്ടേഷന്‍

Published on 30 May, 2018
കെവിനെ കൊന്നുകളയാന്‍ നിര്‍ദേശിച്ചത് നീനുവിന്റെ അമ്മയാണെന്ന് അനീഷ്, ഒന്നര ലക്ഷം രൂപയുടെ ക്വട്ടേഷന്‍
കെവിനെ കൊന്നുകളയാന്‍ നിര്‍ദേശിച്ചത് നീനുവിന്റെ അമ്മയാണെന്ന് അനീഷ്. കെവിനൊപ്പം തട്ടിക്കൊണ്ടു പോയ അനീഷിന്റെ വണ്ടിയില്‍ ഉണ്ടായിരുന്ന ഗുണ്ടകളുടെ ഫോണിലേക്ക് നിരന്തരം കോളുകള്‍ വന്നുകൊണ്ടിരുന്നു.നീനുവിന്റെ അമ്മയും അച്ഛനുമാണ് വിളിക്കുന്നത്. നീനുവിന്‍െ അമ്മ രഹ്ന പറഞ്ഞത് അവനെ കൊന്നുകളയാനായിരുന്നുവെന്ന് അനീഷ് പറയുന്നു. ഇടിക്കട്ടയ്ക്കുള്ള ഇടിയായിരുന്നുവെന്ന് അനീഷ് പറയുന്നു. മൂക്കും കണ്ണുമെല്ലാം തകര്‍ന്നു പോകുന്ന ഇടിയാണ് കിട്ടിയത്.കെവിനെ പിടിച്ചുകൊടുക്കുന്നതിന് ഒന്നര ലക്ഷം രൂപയുടെ ക്വട്ടേഷന്‍ ആയിരുന്നുവെന്നാണ് പ്രതികളുടെ സംഭാഷണത്തില്‍ നിന്ന് അറിയാന്‍ കഴിഞ്ഞതെന്ന് അനീഷ് പറയുന്നു. 'ഞങ്ങള്‍ നിരപരാധികളാണ്.

ഒന്നര ലക്ഷത്തിന്റെ ക്വട്ടേഷനാണിത്. ഇതുകഴിഞ്ഞാല്‍ ഞങ്ങള്‍ ഗോവയ്ക്കു പോകും. നിങ്ങളോട് ഞങ്ങള്‍ക്ക് പിണക്കമൊന്നുമില്ല'. പ്രായം കുറഞ്ഞ ഒരു ഗുണ്ട അനീഷിനോട് പറഞ്ഞതിങ്ങനെ. പിടിച്ചുകൊടുക്കുന്നതിനാണ് ഒന്നര ലക്ഷം രൂപയെന്നാണ് ഗുണ്ടകള്‍ പറഞ്ഞത്.കെവിനെ കൊലപ്പെടുത്തി തോട്ടില്‍ തള്ളിയ ശേഷം പ്രതികള്‍ നീനുവിന്റെ അമ്മയുടെ സഹോദരിയുടെ വീട്ടിലെത്തി കുളിച്ച് ഭക്ഷണം കഴിഞ്ഞാണ് എത്തിയതെന്ന് അനീഷ് പറയുന്നു. കെവിന്റെ മൃതദേഹം കണ്ട സ്ഥലത്ത് എത്തിയപ്പോള്‍ കെവിനെ താഴെ വലിച്ചിടുന്നത് അനീഷ് കണ്ടിരുന്നു.എന്നാല്‍ അപ്പോള്‍ കെവിന്‍ മരിച്ചോ എന്ന് അനീഷിന് അറിയില്ലായിരുന്നു. അനീഷിനെ വണ്ടിയില്‍ പൂട്ടിയിട്ടിട്ടാണ് പ്രതികള്‍ പിന്നീട് പോയത്. അവര്‍ നീനുവിന്റെ അമ്മയുടെ സഹോദരിയുടെ വീട്ടിലെത്തി കുളിച്ച് ഭക്ഷണം കഴിച്ചാണ് മടങ്ങിയത്. കെവിനെക്കുറിച്ച് ചോദിച്ചപ്പോള്‍ അവന്‍ ഓടിപ്പോയി എന്നാണ് പറഞ്ഞത്.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക