ലോക സമാധാനത്തിന് നിലവില്‍ തടസമായി നില്‍ക്കുന്നത്, ഒന്ന് സ്വേച്ഛാധിപതികള്‍ നിയന്ത്രിക്കുന്ന അണുആയുധങ്ങള്‍ രണ്ട് മതങ്ങളുടെ കരാള വലയത്തില്‍ കുടുങ്ങി കിടക്കുന്ന  ജനസമൂഹങ്ങള്‍. ഇതില്‍ ആദ്യ ഭീഷണിക്ക് ഒരു നിയത്രണം വരുന്നതിനുള്ള സാധ്യതകള്‍ തെളിഞ്ഞുവരുന്നു. എന്നാല്‍ രണ്ടാമത്തെ ഭീഷണിക്ക് ആക്കം കൂടുന്നേയുള്ളു.

ഏതാനും മാസങ്ങള്‍ക്കപ്പുറം കൊറിയന്‍ മേഖലകളില്‍ ഉയര്‍ന്നുനിന്ന റോക്കെറ്റ് ഭീഷണികള്‍ ഏതാണ്ട് മാറിയിരിക്കുന്നു. ആദ്യമായി നോര്‍ത്ത് കൊറിയായില്‍ നിന്നും സമാധാന ചര്‍ച്ചകള്‍ക്ക്  മുന്‍കോടിയായി എത്തിയ ഉന്നത നേതാക്കളെ ഡൊണാള്‍ഡ് ട്രംപ് വൈറ്റ് ഹൗസില്‍ സ്വീകരിച്ചിരിക്കുന്നു. നിങ്ങള്‍ മറന്നുകാണില്ല എന്തെല്ലാം അധിക്ഷേപങ്ങള്‍ ഇരു നേതാക്കളും ഏതാനും മാസങ്ങള്‍ക്കപ്പുറം കൈമാറി ഇരുന്നു എന്ന്. 

 ജൂണ്‍ 12ന്, സിംഗപ്പൂരില്‍ രണ്ടു നേതാക്കളും സമാധാന ചര്‍ച്ചകള്‍ക്കായി പരസ്പ്പരം കാണും എന്നതിന് ഇനി ഒരാശങ്ക വേണ്ട എന്ന് നേതാക്കള്‍ പരസ്യമായി രേഖപ്പെടുത്തിയിരിക്കുന്നു. ഏതാനും ദിനങ്ങള്‍ക്കപ്പുറം ഇത് കൈയ്യാലപ്പുറത്തെ തേങ്ങാ മാതിരി ആയിരുന്നു. അന്ന് ഞാനൊരു ചെറു ലേഖനം എഴുതി ഇത് ട്രംപിന്റെ മറ്റൊരടവോ എന്ന അര്‍ത്ഥത്തില്‍.

ആയുധ ബലത്തേക്കാള്‍ വലുത് പണത്തിന്റെ ബലമെന്നു ചൈനക്ക് നേരത്തെ മനസ്സിലായി ഇപ്പോള്‍ നോര്‍ത്ത് കൊറിയന്‍ ലീഡര്‍ കിം ജോങിനും മനസ്സിലായി വരുന്നു. നടക്കുവാനുള്ള ചര്‍ച്ചകളില്‍ നിന്നും നല്ല ഫലങ്ങള്‍ പുറത്തു വന്നാല്‍ ഇത്, തോക്കിന്റെ കാഞ്ചിയില്‍ വിരലുമായി നില്‍ക്കുന്ന ഇറാന്‍ പോലുള്ള രാജ്യങ്ങള്‍ക്കും പ്രേരണ നല്‍കുമെന്നാശിക്കാം.

അണു ആയുധങ്ങളുടെ പ്രസക്തി നഷ്ട്ടപ്പെട്ടുകൊണ്ടിരിക്കുന്നു. ഇന്ത്യയും പാക്കിസ്ഥാനും ഈ അവസ്ഥ മനസ്സിലാക്കേണ്ടിയിരിക്കുന്നു. ഇന്ത്യന്‍ മേഖലയിലും മിഡില്‍ ഈസ്റ്റിലും ഇന്നു കാണുന്നു സംഘര്‍ഷാവസ്ഥയുടെ പിന്നില്‍ മതങ്ങള്‍ തമ്മിലുള്ള മ്ലേച്ഛമായ മത്സരവും അര്‍ദ്ധ ശൂന്യമായ വാദ പ്രതിപാദങ്ങളും.

ഇവിടെ എത്രയോ നിരപരാധികള്‍ ഓരോദിനനവും മരിച്ചുവീഴുന്നു? സാദാരണ ജനത്തിന്റെ ജീവിത നിലവാരം ഉയര്‍ത്തുന്നതിനുള്ള മുന്നിലുള്ള ഉപാധികള്‍ നശിപ്പിച്ചിട്ടാണ് മതതീവ്രവാദികളായ ഭരണനേതാക്കള്‍ അവരുടെ സങ്കുചിത ചിന്തകള്‍ നടപ്പില്‍ വരുത്തുന്നത്. മത നേതാക്കള്‍ ദൈവഹിതം നടപ്പാക്കുന്നു എന്ന ഭ്രാന്തന്‍ ചിന്തകള്‍ കളയൂ. പാക്കിസ്ഥാന്‍ ഇന്ത്യയെ നശിപ്പിച്ചിട്ടോ ഇറാന്‍ ഇസ്രയേലിനെ ഇല്ലാതാക്കിയിട്ടോ സമാധാനം കൈവരിക്കുമെന്ന് ബോഷന്മാര്‍ മാത്രമേ ചിന്തിക്കൂ.

ലോക ജനതയില്‍ ഏതാണ്ട് 75 ശതമാനത്തിലേറെ ഏതെങ്കിലുമൊക്കെ മതങ്ങളില്‍ വിഷ്വവസിക്കുന്നവര്‍. ഈ വിശ്വാസികളാണ് മതനേതാക്കളുടെ അന്നദാതാക്കള്‍. ആദ്യം പൊതുജനം മനസിലാക്കേണ്ടത് ഈപുരോഹിതവര്‍ഗത്തിന് ഈശ്വരനുമായി യാതൊരു ബന്ധവുമില്ല. ഇവര്‍ പറയുന്നതു കേട്ട് ബോംബുകള്‍ പൊട്ടിക്കുന്ന അവസ്ഥയില്‍ നിന്നും മാറൂ. 

പുരോഹിതരും ഒന്നു മനസ്സിലാക്കൂ നിങ്ങളാണ് ഇന്ന്, അണുബോംബിനേക്കാള്‍ ലോക സമാധാനത്തിന് തടസ്സമായി നില്‍ക്കുന്നത് . കിം ജോങ്ങും ഡൊണാള്‍ഡ് ട്രംപും ലോക സമാധാനത്തിന് ഒരുവഴി വെട്ടുന്നതിന് ഇറങ്ങി ത്തിരിച്ചിരിക്കുന്നു. മണിമേടകളിരുന്നു പൊതുജനത്തെ പിഴിഞ്ഞു കീശയും വീര്‍പ്പിച്ചു അന്നം തരുന്നവരെ തമ്മിലടിപ്പിച്ചും ജീവിക്കുന്ന നികൃഷ്ട്ട ജീവികളായ പുരോഹിത വര്‍ഗ്ഗീ ഈശ്വരനെ കാണുന്നതിനു ശ്രമിക്കൂ എങ്കിലേ ലോകസമാധാനം നേടുന്നതിനു പറ്റൂ.