നടന്‍ റിസബാവയ്‌ക്കെതിരേ ജാമ്യമില്ലാ വാറണ്ട്‌. ചെക്കുകേസിലാണ്‌ എറണാകുളം മജിസ്‌ട്രേട്ട്‌ കോടതി വാറണ്ട്‌ പുറപ്പെടുവിച്ചിരിക്കുന്നത്‌. എളമക്കരി സ്വദേശി സി.എം.സാദിഖാണ്‌ പരാതിക്കാരന്‍. 11 ലക്ഷം രൂപയുടെ ചെക്കു മടങ്ങിയതിനായിരുന്നു കേസ്‌.
കേസില്‍ തുടര്‍ച്ചയായി കോടതിയില്‍ ഹാജരാകാതിരുന്നതോടെയാണ്‌ അറസ്റ്റ്‌ ചെയ്‌ത്‌ ഹാജരാക്കാന്‍ ഉത്തരവിട്ടത്‌. പലതവണ ആവശ്യപ്പെട്ടിട്ടും റിസബാവ കോടതിയില്‍ ഹാജരായില്ല. കഴിഞ്ഞ മാര്‍ച്ച്‌ 28നാണ്‌ കോടതി വിധി പറയാനിരുന്നത്‌. അന്ന്‌ നിര്‍ബന്ധമായി ഹാജരാകണമെന്ന്‌ ആവശ്യപ്പെട്ടിരുന്നു. എന്നാല്‍ ആരോഗ്യപരമായ കാരണം പറഞ്ഞ്‌ എത്തിയില്ല. ഈ സാഹര്യത്തിലാണ്‌ വാറണ്ട്‌. ജൂണ്‍ 21 ന്‌ കേസിന്റെ അന്തിമ വിധി പറയുമെന്നാണ്‌ കരുതുന്നതെന്ന്‌ സി.ഐ സാദിഖിന്റെ അഭിഭാഷകന്‍ പറഞ്ഞു.