മലയാളി ജര്‍മന്‍ കുടുംബ സംഗമത്തിന് ജൂണ്‍ 21 ന് തിരിതെളിയും
EUROPE
20-Jun-2018
കാള്‍സ്‌റൂ: ബാഡന്‍ വുര്‍ട്ടംബര്‍ഗ് മലയാളി ജര്‍മന്‍ അസോസിയേഷന്റെ (മലയാളി ഡോയ്റ്റ്ഷസ് ട്രെഫന്‍, ബാഡന്‍ വുര്‍ട്ടംബര്‍ഗ് ആഭിമുഖ്യത്തില്‍ ഇരുപത്തിയൊന്നാമത് മലയാളി ജര്‍മന്‍ കുടുംബ സംഗമത്തിന് കാള്‍സ്‌റൂവിലെ തോമസ് ഹോഫില്‍ ജൂണ്‍ 21 ന് (വ്യാഴം) തിരിതെളിയും.
വൈകുന്നേരം ഏഴിന് നടക്കുന്ന സംഗമം പ്രഫ. ഡോ. രാജപ്പന്‍ നായര്‍ ഉദ്ഘാടനം ചെയ്യും. നാലുദിവസങ്ങളിലായി നീണ്ടു നില്‍ക്കുന്ന സംഗമത്തില്‍ വിവിധ ചര്‍ച്ചകള്‍, കലാസായാഹ്നങ്ങള്‍, സ്‌പോര്‍ട്‌സ് ആക്റ്റിവിറ്റീസ്, സംഘടനാപരമായ കാര്യങ്ങള്‍ എന്നിവയ്ക്കു പുറമെ യോഗപരിശീലനവും ഉണ്ടായിരിക്കും. ജര്‍മന്‍ മലയാളി സമൂഹത്തിലെ പഴയതും പുതിയതും ആനുകാലികവുമായ വിഷയങ്ങളെ അധികരിച്ച് സാമൂഹ്യവും സാംസ്‌കാരികവും കലാപരവുമായ കഴിവുകള്‍ ഉള്‍ക്കൊള്ളിച്ചുള്ള പരിപാടികളായിരിക്കും നടക്കുന്നത്. കുട്ടികള്‍ക്കുവേണ്ടിയുള്ള പ്രത്യേക പരിപാടികളും അരങ്ങേറും. വിനോദത്തിനും വിജ്ഞാനത്തിനും വിശ്രമത്തിനും വേദിയൊരുക്കുന്ന കുടുംബ സംഗമത്തില്‍ യൂറോപ്പിന്റെ വിവിധ ഭാഗങ്ങളില്‍ നിന്നും നിരവധിയാളുകള്‍ പങ്കെടുക്കും. ജൂണ്‍ 24ന് (ഞായര്‍) നടക്കുന്ന സമാപന സമ്മേളനത്തോടുകൂടി സംഗമത്തിന് തിരശീല വീഴും.
വിവരങ്ങള്‍ക്ക്: ജോസഫ് വെള്ളാപ്പള്ളില്‍ 07231 766870, ടാനിയ ചാക്കോ 07031 4355600, സാബു ജേക്കബ് 07741 6408561, തെരേസാ പനക്കല്‍ 0721 6647193.
വിലാസം: Tagungssteatte Thomashof,Stupfericher Weg 1, 76227, Karlsruhe
റിപ്പോര്‍ട്ട്: ജോസ് കുന്പിളുവേലില്‍
Comments.
Leave a reply.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
Facebook Comments