ഷിക്കാഗോയില് നടക്കുന്ന ഫോമാ അന്തര്ദേശീയ കണ്വെന്ഷനോടനുബന്ധിച്ച് ഇന്ത്യ പ്രസ് ക്ലബ് ഓഫ് നോര്ത്ത് അമേരിക്കയുടെ ആഭിമുഖ്യത്തില് മാധ്യമസെമിനാര് സംഘടിപ്പിക്കുമെന്ന് മീഡിയ സെമിനാര് കോ-ഓര്ഡിനേറ്റര് സണ്ണി പൗലോസ് അറിയിച്ചു. കണ്വെന്ഷന്റെ രണ്ടാം ദിവസം ശനിയാഴ്ച രാവിലെ 11.30 മണിക്കാണ് സെമിനാര് ആരംഭിക്കുന്നത്.
മീഡിയ സെമിനാര് ചെയര് വിനോദ് കൊണ്ടൂര് അധ്യക്ഷത വഹിക്കുന്ന സെമിനാറില് മുന് മന്ത്രി മോന്സ് ജോസഫ് എം.എല്.എ , രാജു എബ്രഹാം എം.എല്.എ , അഡ്വ: ആര്.സനല് കുമാര്, അഡ്വ: സുമേഷ് അച്യുതന് , ഫോമാ പ്രസിഡണ്ട് ബെന്നി വാച്ചാച്ചിറ, ജനറല് സെക്രട്ടറി ജിബി തോമസ്, ഇന്ത്യ പ്രസ് ക്ലബ് പ്രസിഡന്റ് മധു കൊട്ടാരക്കര, ജനറല് സെക്രട്ടറി സുനില് തൈമറ്റം, അഡൈ്വസറി ബോര്ഡ് ചെയര്മാന് ശിവന് മുഹമ്മ , നിയുകത പ്രസിഡണ്ട് ജോര്ജ് കാക്കനാട്,, ഇന്ത്യ പ്രസ് ക്ലബ് മുന് പ്രസിഡന്റുമാരായ ജോര്ജ് ജോസഫ്, ജോസ് കണിയാലി, രജി ജോര്ജ്, മാത്യു വര്ഗീസ്, താജ് മാത്യു തുടങ്ങിയവര് പ്രസംഗിക്കും.
കൂടാതെ ഫൊക്കാന മുന് പ്രസിഡണ്ട് മറിയാമ്മ പിള്ള , ഫോമാ മുന് പ്രസിഡന്റുമാരായ ശശിധരന് നായര്, ജോണ് ടൈറ്റസ് , ബേബി ഊരാളില് , ജോര്ജ് മാത്യു , ആനന്ദന് നിരവേല് , മുന് സെക്രട്ടറിമാര്, ഇന്ത്യ പ്രസ് ക്ലബ് വിവിധ ചാപ്റ്റര് ഭാരവാഹികള് തുടങ്ങിയവരും പങ്കെടുക്കും.
ന്യൂയോര്ക്കില് നടന്ന റൌണ്ട് ടേബിള് കോണ്ഫറന്സിന്റെ തുടര്ച്ചയായി ആണ് ഇന്ത്യ പ്രസ് ക്ലബ് ഈ സെമിനാര് സംഘടിപ്പിക്കുന്നത്.