റെയില്വേ സ്റ്റേഷനുകളില് സെല്ഫി വേണ്ട; ലംഘിക്കുന്നവര്ക്ക് 2000 രൂപ പിഴ
Published on 23 June, 2018
സെല്ഫിയും അതിനെ ചുറ്റിപ്പറ്റിയുള്ള അപകടങ്ങളും വര്ധിച്ചു വരുന്ന
പശ്ചാത്തലത്തില് റെയില്വേ സ്റ്റേഷനുകളില് ഇനി സെല്ഫി വേണ്ടെന്ന് റെയില്വേ.
റെയില്വേ സ്റ്റേഷനുകളിലും പരിസരത്തും റെയില് പാളങ്ങള്ക്ക് സമീപവുമൊക്കെ
നിന്ന് മൊബൈല് ഫോണില് സെല്ഫിയെടുക്കുന്നതിന് റെയില്വേ ബോര്ഡ്
നിരോധനമേര്പ്പെടുത്തി.
നിയമം ലംഘിക്കുന്നവരില് നിന്ന് 2,000 രൂപ പിഴ
ഈടാക്കും. ഈ നിയമം വെള്ളിയാഴ്ച മുതല് പ്രാബല്യത്തിലായെന്ന് അധികൃതര് അറിയിച്ചു.
സ്റ്റേഷനുകള് മലിനമാക്കുന്നവരില് നിന്ന് 500 രൂപ പിഴ ഈടാക്കാനും
തീരുമാനിച്ചിട്ടുണ്ട്. വിവിധ സന്നദ്ധ സംഘടനകളുടെ സഹകരണത്തോടെ സ്റ്റേഷനുകള്
കേന്ദ്രീകരിച്ച് ബോധവത്കരണ പരിപാടി സംഘടിപ്പിക്കുമെന്നും റെയില്വേ അധികൃതര്
അറിയിച്ചു.
യാത്രക്കാരുടെ സുരക്ഷ ലക്ഷ്യമിട്ടു സ്റ്റേഷനുകളിലും കോച്ചുകളിലും
സിസിടിവി ക്യാമറകള് സ്ഥാപിക്കാന് റെയില്വേ നേരത്തെ
തീരുമാനിച്ചിരുന്നു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല