മലയാള സിനിമയില്‍ എങ്ങനെ പുരുഷാധിപത്യം സംഭവിച്ചു എന്നതിന്‍റെ ഏറ്റവും മികച്ച ഉദാഹരണമാണ് ശ്രീമതി ഊര്‍മ്മിള ഉണ്ണി. സൂപ്പര്‍താരങ്ങളും സംവിധായകരും പറയുന്ന ആഞ്ജകള്‍ ശിരാസാ ഏറ്റുവാങ്ങുന്ന നിരവധി നടിമാരില്‍ ഒരാള്‍. കാരണം അവരുടെ നിലനില്‍പ്പും അവസരങ്ങളും കഴിവിന്‍റെയും പ്രതിഭയുടെയും പിന്‍ബലത്തിലല്ല. മറിച്ച് ദാസ്യവേലയുടെ മികവിലാണ്. 

കഴിഞ്ഞ ദിവസം ദിലീപിനെ തിരിച്ചെടുക്കണമെന്ന് അ.ങ.ങ.അ മീറ്റിംഗില്‍ ആവശ്യപ്പെട്ടത് ഊര്‍മ്മിള ഉണ്ണിയാണ്. കഴിഞ്ഞ ദിവസം കോഴിക്കോട്ട് വെച്ച് മാധ്യമപ്രവര്‍ത്തകര്‍ അതിനെക്കുറിച്ച് ചോദിച്ചപ്പോള്‍ ഓണസദ്യയെക്കുറിച്ച് ചോദിക്കു എന്നതായിരുന്നു നടിയുടെ പ്രതികരണം. അക്രമിക്കപ്പെട്ട നടിയെക്കുറിച്ച് ചോദിച്ചപ്പോഴും ഓണല്ലേ വരുന്നത് ഓണത്തെക്കുറിച്ച് സംസാരിക്കാം എന്നായി ഊര്‍മ്മിള ഉണ്ണി. 

ഊര്‍മ്മിള ഉണ്ണിക്ക് മലയാള സിനിമയിലെ ഫെഫ്ക നേതാക്കളായ സീനിയര്‍ സംവിധായകരോടുള്ള സൗഹൃദ ബന്ധം ശക്തമാണ്. ഇവരുടെ നിര്‍ദ്ദേശ പ്രകാരമാണ് ഊര്‍മ്മിള ഉണ്ണി ദിലീപിനെ തിരിച്ചെടുക്കാനുള്ള ആവശ്യം ഉന്നയിച്ചത് എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. 

ഇത്തരം അപഹാസ്യമായ നിലപാടുള്ള ദാസ്യവേലക്കാരും ഏറാന്‍മൂളികളുമാണ് താരസംഘടനയില്‍ നിറയെ. താരസംഘടനയുടെ ഷോയില്‍ വനിതാ പ്രവര്‍ത്തകരെ അപമാനിക്കുന്ന സ്കിറ്റ് അവതരിപ്പിക്കാന്‍ കൂട്ടുനിന്നതും നടിമാര്‍ തന്നെ. 

എന്നാല്‍ റിമാ കല്ലുങ്കലിനെയും, രമ്യാനമ്പീശനെയും പോലെയുള്ള നായികമാര്‍ സധൈര്യം ഈ പ്രവണതകളെ വിമര്‍ശിച്ച് രംഗത്തേക്ക് വരുന്നു എന്നത് മലയാള സിനിമയില്‍ പുതിയ മാറ്റങ്ങളുടെ തുടക്കമാകുന്നു.