ഇര്‍ഫാന്‍ ഖാന്‌ ക്യാന്‍സറാണെന്ന സ്ഥിരീകരണം ബോളിവുഡിനെ ഞെട്ടിച്ചതിന്‌ പിന്നാലെ ബോളിവുഡ്‌ നായിക സൊനാലി ബെന്ദ്രെയ്‌ക്കും ക്യാന്‍സറാണെന്ന്‌ സ്ഥിരീകരിച്ചിരിക്കുകയാണ്‌. താരം തന്നെയാണ്‌ ട്വിറ്ററിലൂടെ രോഗ വിവരം അറിയിച്ചിരിക്കുന്നത്‌.


ഡോക്ടര്‍മാരുടെ നിര്‍ദ്ദേശ പ്രകാരം താനിപ്പോള്‍ ന്യൂയോര്‍ക്കില്‍ ചികിത്സയിലാണെന്നും ഇനിയുള്ള ഓരോ ചുവടുവെപ്പിലും അര്‍ബുദത്തിനെതിരെ പൊരുതാനാണ്‌ തീരുമാനിച്ചതെന്നും താരം കൂട്ടിച്ചേര്‍ത്തു. വളരെ പെട്ടെന്ന്‌ തിരിച്ചറിയുകയും ചികിത്സ തേടുകയുമല്ലാതെ ഈ രോഗത്തിന്‌ മറ്റൊരു പ്രതിവിധിയില്ലന്നും താരം വ്യക്തമാക്കി. ഹം സാത്‌ സാത്‌ ഹൈന്‍, സര്‍ഫറോഷ്‌, കല്‍ ഹോ ന ഹോ തുടങ്ങിയ ചിത്രങ്ങളിലൂടെ പ്രശസ്‌തയായ താരമാണ്‌ സൊനാലി.