ടൊറന്റോ : ദൈവത്തിന്റെ സ്വന്തം നാടായ കേരളത്തില് നിന്നും കാനഡയിലേക്ക് കുടിയേറിയ ഒരു കൂട്ടം മലയാളികള് അവരുടെ തനിമയും സാംസ്കാരിക പാരമ്പര്യങ്ങളും ഉയര്ത്തി പിടിച്ചുകൊണ്ടു പുതിയതായി ആരംഭിച്ച ടൊറൊന്റോ സോഷ്യല് ക്ലബ്ബിന്റെ ഉത്ഘാടനം മുന് പൊതുമരാമത്തു മന്ത്രിയും ,കടുത്തുരുത്തി എം .എല് .എ . യുമായ അഡ്വ . മോന്സ് ജോസഫ് നിര്വഹിച്ചു .
ഇത്തരത്തിലുള്ള കൂട്ടായ്മകള് പ്രവാസികളുടെയും അവരുടെ കുടുംബാംഗങ്ങളുടെയും ,സമൂഹത്തിന്റെയും സുസ്ഥിര വളര്ച്ചക്ക് പ്രധാന പങ്കു വഹിക്കുന്നുണ്ടെന്നു ഉത്ഘാടന പ്രസംഗത്തില് മോന്സ് ജോസഫ് അഭിപ്രായപ്പെട്ടു .യോഗത്തില് വെച്ച് ക്ലബ് അംഗമായിരുന്ന ശ്രീ . ബൈജു കാനാപുഴയുടെ ദേഹവിയോഗത്തില് അനുശോചനം രേഖപ്പെടുത്തി മൗനം ആചരിച്ചു .പ്രസിഡന്റ് ശ്രീ സിനു മുളയാനിക്കലിന്റെ അധ്യക്ഷതയില് ചേര്ന്ന യോഗത്തില് ശ്രീ . ജോസഫ് വാഴക്കന് എക്സ് എം . എല് .എ .,കണ്സര്വേറ്റീവ് പാര്ട്ടി ലീഡര് ശ്രീ . പാട്രിക് ബ്രൗണ് എന്നിവര് മുഖ്യ അതിഥികളായിരുന്നു .ടൊറന്റൊ സെന്റ് . മേരീസ് ക്നാനായ ഇടവക വികാരി ഫാ .പത്രോസ് ചമ്പക്കരയുടെയും ,സെന്റ് .ഇഗ്നാത്തിയോസ് ക്നാനായ യാക്കോബായ ഇടവക വികാരി ഫാ . ജിബി പ്ലാംതോട്ടത്തിന്റെയും അനുഗ്രഹാശിര്വാദത്തോടെ ആരംഭിച്ച സമ്മേളനത്തില് കാനഡയിലെ പ്രധാന മലയാളി സംഘടനകളുടെയും , രാഷ്ട്രീയ കക്ഷികളുടെയും നേതാക്കന്മാരായ ജോബ്സണ് ഈശോ ,ടോം വര്ഗീസ് ,തോമസ് കെ തോമസ് ,ടോമി കൊക്കാടന് ,മനോജ് കരാത്ത ,പ്രസാദ് നായര് ,കുര്യന് പ്രക്കാനം എന്നിവര് ആശംസകള് അര്പ്പിച്ചു .
സെക്രട്ടറി മോന്സി തോമസ് കുന്നുംപുറത്തു സ്വാഗതവും ,ജോയിന്റ് സെക്രട്ടറി സിബിള് സ്റ്റീഫന് നന്ദിയും രേഖപെടുത്തിയ ഉത്ഘാടന ചടങ്ങുകള്ക്ക് റിജോ മങ്ങാട്ട് ,ഷിബു എബ്രഹാം ,ഷെല്ലി ജോയ് ,വരുണ് രാജന് എന്നിവര് നേതൃത്വത്തം വഹിച്ചു