ദേശവിരുദ്ധ പ്രവര്‍ത്തനങ്ങളുടെ പേരില്‍ പോപുലര്‍ ഫ്രണ്ടിനെ നിരോധിക്കാന്‍ കേന്ദ്രം ഒരുങ്ങുന്നുവെന്ന്‌ റിപ്പോര്‍ട്ടുകള്‍. പോപുലര്‍ ഫ്രണ്ടിന്റെ പ്രവര്‍ത്തനങ്ങള്‍ ദേശവിരുദ്ധമാണെന്ന ദേശീയ അന്വേഷണ ഏജന്‍സി കഴിഞ്ഞ വര്‍ഷാവസാനം സമര്‍പ്പിച്ച റിപ്പോര്‍ട്ടിന്റെ അടിസ്ഥാനത്തില്‍ സംഘടനയെ നിരോധിക്കാനുള്ള നീക്കം കേന്ദ്രം നടത്തിയിരുന്നു. സംസ്ഥാന സര്‍ക്കാരിന്റെ പിന്തുണ ലഭിക്കാത്തതിനാല്‍ മന്ദഗതിയിലായ നടപടികളാണ്‌ അടുത്തിടെയിയുണ്ടായ സംഭവങ്ങളുടെ പശ്ചാത്തലത്തില്‍ വീണ്ടും സജീവമാകുന്നത്‌.


കേന്ദ്ര ഇന്റലിജന്‍സ്‌ ബ്യൂറോയില്‍നിന്നുള്ള റിപ്പോര്‍ട്ടിന്റെ അടിസ്ഥാനത്തിലാണ്‌ ഗവര്‍ണര്‍ റിപ്പോര്‍ട്ട്‌ തേടിയത്‌ എന്നാണ്‌ റിപ്പോര്‍ട്ട്‌. സമൂഹത്തില്‍ പ്രശ്‌നങ്ങളുണ്ടാക്കാന്‍ പോപുലര്‍ ഫ്രണ്ട്‌ ആസൂത്രണം ചെയ്യുന്നുവെന്ന്‌ ഇന്റലിജന്‍സ്‌ റിപ്പോര്‍ട്ട്‌ നല്‍കിയിട്ടുണ്ട്‌.